Yangon Ramthen chung in Federal Army (YRFA) an dirh. Rammi sin ah siaherhnak he ralrin peknak cathanh an chuah.A herh tuk lo mi ah leng chuah lo ding, puai zawh hrial ding, rawl dawr, lakphak dawr pawl ah caan sau thut lo ding le DALAAN hna he naihniam in um lo ding May 13 ah an thanh.crd: the hakha times
Thawngpang relchap: Kan nau le Generations Z thawng le kaupi in Khua a ruat khomi, generation Z he hmun khat ah a kalti khomi hna hruaitu thawng in “Federal State of Chinland” tiah thantaar bunh ding ni caan cu kan naih cuahmah cang. Pathian nih a sermi “Freedom” hi hmasa ahcun a lak/ free in pek kan si ko nain minung lei chambau ruang ah kan rak sungh caah, second time ahcun, “free” a si ti lo.
Cucaah, minung kan thlarau freedom hmuhnak caah, a fapa Jesuh nunnak a pek bantuk in, vawlei khuasaknak ah freedom hmuh ding ahhin nunnak chap a herhnak a tam. Cucah, Chinland freedom caah Chin mino tampi nih an nunnak an pek cang caah, Chinland freedom cu a ra cuahmah cang. Cuba le Vietnam hna nih ral an teinak cu, “Guerrilla tactics” in a si. MAH/ SAC ralhrang hi “Guerrilla tactics” in tei an fawi bik lai. Cucaah, networking strategy ka ti lengmangmi biapi taktak a si ko.
Cucaah, Chin state ah township a ummi kip ahhin Chin Defense Force an dirh cio a biapi tuk. Tedim kha ZRO ah ifun hna seh. Falam kha CNDF ah um viar hna seh. HK le TT hi Chin Defense Force ah um viar ve hna seh. Mandate, Kanplet, Palewah tbk ei zong ah defense force kha um cio hna sehlaw, an umnak hmun cio ah Ralkap kha , “Guerrilla tactics” an rak phawmh cio hna ahcun, Chin State ah Ralkap cu an ci hmih colh an si ko lai. Township kip ah Chin Defense Force a dirmi vialte phu hna hi, CNF/A nih guide pe hna seh.
SAC ralhrang hi Moral in an der tuk lio a si. An ral a chiat tuk lio a si. Cucaah, fakpi in Chin Sate chung Mino, chak le Tlang an von colh cio tikahcun, zamnak hrim an iting te lai lo. Meithal puah loin tlaih colh ding zong an tawr te lai.
Kanmah le township cio, Khuapi cio ah Chin mino nih an control khawh ahcun, Chin State cu, Federal State ah phuan colh khawh a si cang lai i, caan karlak Chin Cozah, ICNCC nih uknak an von lak colh lai i, Ralhrang dotu , Chin Defence a force vialte hna hi, Chinland Cozah tang ah a ummi, Chin Federal Army ah an icang colh viar ve ko lai.
Cucaah, MAH/ SAC ralhrang teinak caah, kengkip in Defense force an dirh i a ttha tuk i, mahle township cio in thazaang pek ding an si. Tulio bantuk caan ahcun, “interpersonal skills” midang he riantuanti thiamnak hi a biapi tuk i, cun, “antisocial” hi kaltak/ hrial a herh tuk lio caan a si caah, fiang deuh in ka von thai tthan. Crd: zasang cinzah
Leave a Reply