Thantlang lei in raalzaam pawl #Zahnaktlang chung luhnak kong ah Sihhmuh, Thangzang, Fungkah, Saikah, Ruabuk le Ruakhua hi nihin September 11 caah luhnak kan onh.
Hi khua 7 pin khua dang cu raaldohnak rian cawlcangh lio a si caah van kan ruatthiam hram rih u. A ran khawh chung in kan van tuaktan lai.
Biakilh : 1. Cu hlan cu Tlang chung luhnak kong ah kanmah Zahnak Battalion nih bia kan chah tawn ko nain atu cu kan cunglei CNA le CDF Thantlang he rian Kan tuan lio a si caah anmah he nawl chuah mi ning in khua kan khan mi a si.
2. Cun atu khua sarih caah Sihhmuh quarantine thil a ni (3) a tling mi rak laak khawh a si.
A ran khawh chung le a si khawh chung in rammi nan himnak caah rian tuan khawh kan I zuam lai. Cred : Chinland 7 Post
Relchap ding : Sui fangkhat tlai ah ting 19 deng a phan, sui fang 10 tlai sui tlang cawkding a um ti lo
Sui fangkhat tlai ah ting 19 deng a phan, sui fang 10 tlai sui tlang cawkding a um ti lo
Ramchung business ah sui(ေခါက္ေရႊ) fangkhat tlai ah (ting-1890000ks) in a caw tu an tam tuk, fang 10 a tlai mi sui tlang zong a caw tu an tam tuk caah cawk ding a um ti lo tiah theih a si.
“A tu ah sui le thuam thiri sui kut hrolh,sui tthi le zei dang dang a caw tu an tlawm ngai na in, phaisa ngei hna nih sui tlang tu an i cawkhna, suitlang(fang 10 a tlai mi sui tum) cawtu cu an tamtuk caah cawkding um lo tiang in a dih tiah theih a si.Cu fang10 a tlai mi sui tlang cu cawk duh ah cun a tlawm bik ni 5 ,zeeh khat tal hngah a hau” tiah Yangon sui zuartu pakhat nih a chim.
Phaisa thlen zong American dollar fangkhat ah kawlram phaisa 2050ks tiang i zorh a si tiah theih a si.
“Dollar fangkhat ah kawlram phaisa 2000 cung a phan, phaisa thlen ret ning nak in sangdeuh in a tlamtlin ning in an zuar, dollar fangkhat ah kawlram phaisa in 2020 in 2050 kar ah an i caw/zuarh hna” tiah dollar caw/ zuar mi pakhat nih a chim.
The Chin Post
Leave a Reply