RIP: Myatong Lamzawhnak Ah Ko Ye Yit Cu Ralhrangbu Kuan In A Nunnak A Liam

Myatong Lamzawhnak Ah Ko Ye Yit Cu Ralhrangbu Kuan In A Nunnak A Liam July 31 zinglei sangah Mandalay, Myatong lamzawhn mi mino hna umnak cu ralhrangbu nih meithal puah buin an then hna i minung 11 an tlaih hna, minung 2 nih kuan hma an tuar. Hma a pu mi Ko Ye Yit cu tuzing ah a thi tiah lamzawhnak hruaitu nih a chim.

Ye Yit le Khaing Htun hna hi ralhrangbu nih an rak tlaih lio ah an zaam caah ralhrangbu nih meithal in an kah mi hna a si.Pakhat cu a ke ah an khen, Ye Yit cu a tai ah an kah. Mizaw phor mawtaw in sii inn tlik pi a si nain a hliamhma tuar ing kho lo in a nunnak a liam.Atu ah a nupi nih a ruak lak ding a buaipi lio a si nain rallokap nih a ruak an pe duh rih lo tiah theih a si.

Kan hnu zongah Myatong lamzawhnak ah ralhrangbu nih meithal in an kah hnu ah an tlaih mi Ma Thu Thu Zin le Ko To To Kyaw hna lakah Ma Thu Thu Zin cu an kahnak meithal kuan hma in a nunnak a liam tiah Khit Thit Media nih a tial.

The Chin Post