Ruah A Phumi: A Fiang Ko, Dalan Sinak Taktak

Ruah A Phumi: A Fiang Ko, Dalan Sinak Taktak (By Alex Tluang): 1nak. Mithi chungkhar bulhnak a pekmi, Dalan chungkhar thih tik, ngaihchiat ton caan. 2nak. CDF/CNA kan Hero pawl nih a kan liamtak tikah bulhnak cu chimlo ngaihchiatnak cabia zong a chim bal lo. 3nak. Chinram khuate zei hngal lo kha ka lei ah tang hna seh tiin lemsoinak ah tangka cu a bawmh hna nain, Raltuk nakin Aa khawngdengmi le hliam tuarmi bawmhnak cu a pe bal lo.

4nak. Kawlram media le minthang deuh paoh cu ralhrang nih an ral hna i an zaam dih. Nain a nih cu Rangoon, Mandalay le Naypyidaw ah duh tawk (freedom) takin a thudir ko. 5nak. Hitluk Ramleng chuah a hartuk lio ah, student visa e, cu-e, kha-e visa zong a tuah khawh (ralhrang bawmhnak in). 6nak. CDF/CNA or PDF nih dalan pawl an thah hna poh ah,

A aukan/ahrankan peng hna nain, ralhrang lei timhtuahnak cu a thuhnawk piak peng hna. 7nak. Maw, Salai TumTum, Na bodyguard pawl nih CDM an in tuah dih cang khah, naa hngal maw? Min Aung Hlaing Le Ne Win tlan karlak ah Vui na si te lai. (Note: Hi hi Alex Tluang nih a hmuh ning a tialmi a si.) Credit: Alex Tluang

Hmuh ning dang relchap: Maw Falam, thu ttha ten ruat sal aw: Kan do mi le kan kap that mi ralhrang hmuahhmuah hi kan inn le lo siatsuahtu an si thluh lo. Asinan kan inn le lo, kan miphun in siatsuahtu SAC ralhrang lam a ttang tu, a uknak hnget ternak hrangih hnattuantu an si ruangah zozo khal kan kap aw ih kan that aw a si.

Cu ti’n an mah khal in in ui lo vekin kan nih khalin hi mi uknak sia in kan ram luat nak ding a si ruang ah kan ui ve hrim hrim lo. A ttul ah cun kan kap aw in kan that aw a si. Cu vekin ralhrang do tu sungah kawl mi phun a va si hmanah, thudik lam ttang sal in CDM lut ih mipi lam an ttang ah cun kan hmuak in kan ttang tlang (eg. Ralkap le Palik in ra tlan mi pawl).

Curuangah SAC ralhrang lam hngetkhoh tertu dingih hnattuan tu nan si ah cun kut ttha lo le kut, ke ttha lo le ke ti’n zohman ui lo te’n tan a ttul tikah kan riahsia cio lo pei. (A san cu SAC duh zawng ih nan cangvaih a si cun zohman kan lo ui lo lawlaw ding). SAC ralhrang kan do nakah tu kan dinhmun hi Chin mi hmuahhmuah Falam, Hakha, Thantlang tilo,

Saklam, thlanglam laitlang ti um lo in hmunkhatah kan ttanrual rero lai tak a si. Cumi lakah kan mah Falam mi lawng ralhrang thu ngai in kan um. kan mino pumpe aw tu, zaan khuasik tihal rilrawng, a sur-sa ti um lo in nunnak tiang hman thaapih hnattuantu CNDF in pakhat khat kan tuah pang a sile mawh phurhnak kan la lo peiih nan dam sung khal sir aw duahdo in nan um ding.

Non CDM saya sayamah pawl khal CDM nan tuah duh lo cu inn sungsang harsatnak a phunphun nan nei in kan dinhmun a bang aw lo men thei. Asinan, nan lakkhah ziangzat dothlengnakah nan pek zo? Nan ruahsannak le nan tumtahmi teh a famkim ce cuang maw? Nan zoh aw felfai a cu. Hi tluk kan rampi huap in dinhmun sia kan thleng laiah,

Thusau ruat lo in tumtah dang nan rak nei bet a si ahcun tu ihsin thokin kan tesinfa pawl le kan miphun hrang hmakhua pit ter thoktu nan si ti kha thei awk uh. Khua le ram hrangah inn le lo tiang taan in a ttang in a do rero tu, nunnak liamtu le hliamhma ngah in kutke him nawn lo an um laiah nan fa le pawl fimthiamnak ngaingai a pe theilo tu tlawng nan va kai ter rero cu,

Nan parah kan lungawi lo. Kawlralkap uknak pawlin kan miphun fim ter in duh sak ruangah tlawng in phuan ter mi a silo ti kha rak thei cio in nan fa le kha tlawng rak kai ter hlah uh. Fimthiamnak in pek duh ngai sehla, Tui hlan ihsin kan lai khuate tlawnginn pawlah tlawng inn pakhatah saya pakhat ti vek hrawngin ca zirh an rak fial lo ding.

Kawl khawpi lam ih experience nei lo pawl,  promotion ngah pek pawl le santlai lo ruangih punishment tuar tu saya pawl lawng kan ramah an hun kuat lo ding. Kan ca zir dan a tthat le tthat lo kan zoh sal a si le BA (Eng) ti aw ve mi nih mirang tong tha ten thei/tong thei lo kan tampi. BA (History) ngah tu in kan laithuan thu hman thei tha lo kan tam pi.

BA (Geo) in kawl ram ziang tluk a kau ti hman thei lo mi cazir nak pawl in pek a si kha. Nan fa le pawl fimter nan duh ngaingai a sile, Tu ttum dothlengnak hi ziang tin kan theh zangzang thei ding ti lawng ruat sawn in, ralhrang pawl kai ter mi tlawngah ret hram hlah uh. Tuih nan fa te tlawng nan kai ter lo ruangah an aa lan lo ding.

Tuih dothlengnakah nan tel ve duh lo ih ralhrang pawl thu nan thlun a si le nan tesinfa tiang kawlralkap sal ah cangin farah zonzai le ruatnak fumfe neilo in an aa lan sawn ding. Kanram le miphun hrang ruat hmaisa in kan fa te pawl tlawng thlah loin kan ttang cio pei uh. Fimthiamnak ngaingai a lo pek theilo mi cazirtu, Falam hminsiat tertu, SAC ralhrang uknak hngetkhoh tertu nan si ah cun zo khal kan lo ui lo lawlaw ding a si. Credit: Salai Ramhnuai