Kan hnu zarh in zarkhat leng chung ruahpi a sur caah Rakhine ram ah a ummi ralzaam umhmun 10 nak tlawmlo a cim tiah theih a si.
Harsatnak a tong mi ralzaam umhmun hna cu Kyauktaw pengah Karawid Yadanar, Taungminkala, Nyaungchaung le Myauk-o pengah Tintheinkan, Wethla, Sapanchong, Myepo pengah Ngantong, Sangin le Kaingkyi ralzaam hmun hna an si.
Ralzam inndong 290, milu 900 hrawnng umnak Kyauktaw, Karawid Yadanar ralzaam umhmun cu inn zel tung tiang ti a phan deng cang, hi ti ningin ruahpi a sur rih ahcun um awk a tha ti lai lo tiah ralzaam a zohkhenhtu pakhat nih a chim.
Kyauktaw peng ah a ummi Taungminkala ralzaam umhmun zong inn cung le vampang hna a rawk mi tam ngai a um caah ralzaam hna harsatnak tampi an tong tiah theih a si.
Harsatnak a tong mi ralzaam umhmun kong he pehtlaihin REC chungtuan Ko Zaw Zaw Thun nih “ralzaam hmun dihlak tluk harsatnak kan tong, kan umnak inn pawl zong a chia ngai cang. Taktak ahcun tukum fur tlak hlanah remh dih a herh mi an si nain kan remh khawh lo caah atu bantukin harsatnak kan ton mi hi a si” tiah a chim.
Rakhine miphun fontomnak bu REC record nih 2020 tiang record ningah Rakhine ram ah ralzaam sing 1 leng an um tiah theih a si.
Credit The Chin Post
Leave a Reply