SAC Ralhrang Bawi Kyaw Thu Soe Telh In A Naule Ralhrang 16 An Thi

Shataw ah raldoh ding in a rak rami SAC ralhrang phu cu Karenni Army he kahdohnak a chuak i SAC ralhrang phu bawi Duh Tatzinhmu Kyaw Thu Soe telh in ralhrang 16 nak tlawmlo an thi tiah theih a si. Thil sining cu, Karenni ramkulh, Shataw khuapi lei ah raldoh ding in a rak rami SAC ralhrang phu le Karenni Army (KA), KNDF kar ah,

Nizan January 4 ni, chun suimilam 1 hrawng ah Punchaung khua pawng, Sitwuntaung lam cungah kaphnih kar kahdohnak a chuak i, SAC ralhrang phu lei in an ralbawi Duh Tatzinhmu Kyaw Thu Soe telh in 16 nak tlawmlo an thi pinah tampi nih hliamhma an tuar tiah KA News and Information tuanvo ngeitu hna sin in theih a si.

Cu kaphnih kar kahdohnak cu suimilam 2 chung deng an i kah i a thimi Duh Tatzinhmu Kyaw Thu Soe ruak cu Border Guard Force (BGF) ralhrang phu 1004 sakhan (Sitwuntaung sakhan) ah an chiah tiah theih a si. Cu kahdohnak ah Karenni ralkap lei in pasaltha pakhat nih a ke aa khong sual ve tiah KA nih thawngthanhnak an tuahmi ah an langhter chih.

SAC ralhrang phu nih an minung a simi BGF ralkap pawl kha hriamnam kenter loin human shield bantuk an hmang i lam an i hruaiter ti si. Cu ti an kalnak lam thluan ah hriamnam ngan in an kah hna. Khua chung ah zan an riah i khuami inn le dawr hna an baoh i thilri hna an fir, mei an khanh an ti hna ti si. Shataw lei raldoh ding a kalmi SAC ralhrang phu cu,

Karenni Army le Karenni National Defense Force phu fonh nih biatak tein doh kan i timh i kahdohnak fah a chuak rih kho tiah an thawngthanhnak ah an langhter chih hi a si. Tu lio hi Karenni ramkulh chungah kahdohnak a fah ngai i, SAC ralhrang a thimi an hong tam ngaingai cang hna. Hi bantukin Karenni hriamtlai phu nih teinak an hmuhmi mipi caah thawngpangtha a si. Ref: KTM

Thawngpangdang: Ngazun myone ah SAC ralhrang motor pakhat bomb an puah hnawh i ralhrang 3 an thi: Mandalay ramthen, Ngazun myone in Tataroo lei a rak rami SAC ralhrang motor pakht cu Tenatsit khua pawng ah Local PDF phu nih bomb an puah hnawh i SAC ralhrang 3 an thi i pakhat nih hliamhma fah a tuar tiah theih a si.

Cu bomb a puah hnawh tu hna cu Myaung myone TGR People‚Äôs Defense Force (Myaung People’s Defense Forc TGR) le Ngazun PDF phu nih hruaimi Ngazun NZ Five Star phu, Tawwin Dewi Ngazun phu, Zarmani Task Force phu, Young Fighters People’s Defense Force of Myaung (YFPDF) phu fonh hna an si tiah theih a si. Ref: Khit Thit Media

Be the first to comment

Leave a Reply

Your email address will not be published.


*