SAC Ralhrang Phu Nih Mihrut Pakhat An Kah Thah

SAC Ralhrang Phu Nih Mihrut Pakhat An Kah Thah: Sagaing ramthen, Kalay myo, Aungmyae Man sang, Electric zung pawng ah cycle aa citmi kum 22 minung hna cheh, mihrut Maung Ye Yint Zaw (B) Aa Pa Pa cu SAC ralhrang phu nih nizan January 15 ni, zanlei sang ah meithal in an kah thah tiah theih a si.

“Amah hi mah ti hin a kal tawnmi a si. Dai tein a um sawhsawhmi a si. Kalay myo, Electric zung kulh chungah security a tuanmi ralhrang hna nih Ye Yint Zaw cycle (Seh-bii) aa cit mi cu an dirter. Hi thil cang cu tu zing suimilam 8 le 9 kar ah a si. Amah hi a hna chehmi a si. Bia zong a chim thiam lo tikah ralhrang nih an kah. Meithal kuan hi a zah tang ah a tlangh.”

“Kan hnu lei ah electric khayanhmu thah a tong tikah ralhrang pawl nih cu ka hmun pawng ah ralhrang khat lak in security an veng” tiah local minung nih Yangon Khit Thit Media ah a chim hi a si. SAC ralhrang phu nih Maung Ye Yint Zaw an kah that i, a ruak cu anmah ralhrang sakhan lei an i kalpi i tu zing lawng ah a ruak an lak khawh ti si.

Maung Ye Yint Zaw ruak cu thaizing January 17 ni ah vui a si te lai tiah theih a si. “An kah that zan ah SAC ralhrang phu nih a ruak cu anmah ralkap sakhan lei ah an kalpi. A ruak zong ttuang ah an chiah sawh. A thidil lak ah an chiah sawh ko” tiah local minung nih a chim chih.

Maung Ye Yint Zaw cu kum 22 hrawng a si i, a unu he khuasami, dai tein a um sawhsawh mi pakhat a si tiah amah kong a theihmi khuami hna nih an chim tiah theih a si. SAC ralhrang phu nih CDF PDF ralkap a si lomi minung sawhsawh an thah lawng siloin, zei hngal tuk lomi mihrut tiang an kan thah piak cang hna. A poi ti pin chim ding a um ti lo ee. Ref: KTM