August 19 lio, KNU Brigade No.5 hmunhma ah KNDO he aa kap mi SAC ralkap le anmah leitang BGF cu anmah le anmah tu an i kap i 23 renglo an thi tiah KNDO nih an thanh.
“August 19 zaan ah an bawi pakhat tel in minung 23 hrawng an thi. SAC ralkap le anmah leitang BGF an i kapsual i ruak cu aa pong ko,” tiah KNDO ralkap pakhat nih a chim.
August 14 in 17 kar kahdohnak lio zong ah SAC ralkap 8 an rak thi bal, tiah Khit Thit Media nih a langhter. Cred : The Hakha Time
Relchap : Thailand Ah Covid -19 Zawtnak Ngei Nuaikhat Leng An Um
Thailand Ah Covid -19 Zawtnak Ngei Nuaikhat Leng An Um Covid -19 third wave ah zawtnak i chawnh a tam chinnak Thailand ah zawtnak ngei nuaikhat leng an si cang tiah Thailand mipi ngandam nak lei vuanci phu nih an thanh.
A luancia suimilam 24 chung ah zawtnak ngei mi minung 19851 an si i minung 325 hi Thailand ram chung thong tla hna sinin hmuh a si tiah an chim.
Covid -19 zawtnak in a thi mi minung 240 an si i a dam than i siizung ah a chuak mi hi minung 20478 an si i atu tiang ah Covid -19 zawtnak ruang ah a nunnak a liam mi zapi hi minung 8826 an si cang.
Vawlei pumpi ah nihin tiang ahhin Covid -19 zawtnak a ngei mi nuai 210 leng an si cang i a damthan mi minung nuai 188.78 leng an si.A nunnk liam mi hi minung Nuai 4.41 leng an si cang tiah Worldometer website ah an langhter.
Nifatin in Covid-19 zawtnak a karh chin lengmang nak Thailand cu Vawlei cung ram vial te lak ah a karhnak bik ram 34 nak ah a tel i a karh nak bik ram cu American nuai 38.23 leng, India Nuai 32.35 leng, Brazil Nuai 20.49 leng in a karh.
The Chin Post
Leave a Reply