“SAC ralkap le GAD lei nih Thantlang mino tonbiaruahnak an ngeih hna,” ti mi hi Thantlang mino siseh, CDF, Thantlang ai-awh in ton mi a si lo pin ah theihhngalhpi mi a si lo.Ai pum mi mino kha pumh a dih ah chikhat bia an ruah mi hna a si i mino lei zong nih ngaihpiak sawhsawh lawng a si ko. “Nizaan ah an kan kah,” ti mi zong kah mi si loin anmah SAC ralkap sakhaan lei in a puak/kah mi a si, tiah Thantlang Revolutionary Campaigner facebook page ah fianternak an tuah.the hakha times
Thawngpang dang relchap ding aum: Thawngpang Neknawi (News in brief)May 22, TCP-Ralrin a herh taktakmi!Mindat peng Htin Chaung khua phungki inn i a ummi phungki thilthuam vialte cu May 22 ah ralhrang rual nih an lak dih.
Ralhrang rual hi phungki thilthuam i hruk in an vak lai, an i chawk lai! Mipi i ralrin taktak a hau. Hihi Mindat lawngah an tuah lai lo. Khuadang zongah an tuah lai. Phungki thilthuam theng i hruk lo zongah mi sawhsawh thuam in an vak lengmang.
Ralhrang hi hmunkip ah an vak an i chawk i na umkalnak kipah ralrin a herh. Nan i ton sual tikah tlikzam lo a tha. Na tak cung i an huatmi pakhat khat naa ken, na ngeih tu ahcun zam a hau hnga! Mahbelte cu na zam, na tlik ahcun an in kah ko lai! Falam zongah a umkal sawhsawhmi an kah ko hna cu mu! Vanthat ah an khen hna lo.
Cun leng na chuah (khuachung a si pek, ramlak a si pek) poah ah na tak cung i thil mansung suithi, hnatonh, zunghruk tibantuk phoih ta, mah hna ruangah na nunnak a dih kho. Ralhrang rual hi an pu MAH nih lahkhah a pe kho huaha ti hna lo i fir le mithil chuh ding mit lawng an au cang.
Kanpetlet khuapi palik 12 CDM ah an i lut!-Kanpetlet khuapi i palik 12 hna cu ralhrang uknak dohnak pakhat a simi CDM ah an lut i anmah le an chungkhar himnak cu kanmah nih tuanvo kan lak lai tiah CDF nih May 22 ah cathanh a chuah. CDF nih Kanpetlet khuapi palik sakhan an kah hnu nihnih, May 15 ah palik 12 hna cu CDM ah an luh hi a si. Palik bawi 3 le palik sawhsawh 9 an si. An zatein Chin an si.
Hi hna hi ralhrang dohnak ah tel an duh a si ahcun kan telter hna lai, cun an chungkhar he a himnak hmun ah um an duh a si ahcun kan kham fawn hna lai lo tiah CDF-Kanpetlet hruaitu pakhat nih a chim.
UEC he tonnak ah an i tel hnu in People Party cu hruaitu upa nih an chuahtak thluamah!88 hruaitu minlang pakhat a simi U Ko Ko Gyi hruaimi People Party cu UEC he tonnak ah an i tel caah party hruaitu nih an chuahtak thluahmah cang. Party CEC member 20 an um i 7 nih an chuahtak cang. Central hruaitu lawng si loin ramthen le ramkulh party hruaitu cheukhat zong an chuah len tiah theih a si. People Party cu 2020 thimnak lioah hmun 150 lengah an i cuh i pakhat hmanh teinak an hmu lo. Ref: Myanmar Now, Zalen. The Chin Post
Leave a Reply