Dr. Sasa amah ti khawh chung in kan ram caah ai zuam tuk ning, dinh caan hmanh a ngei lai lo. Rampi rawiphir timi pohmah tihnung in taza an cuai fawn tikah kan ram ai thlen hlan lo kan ram a lut ngam ding a si ti lo.
Ai zuam tuk ko buin a duh ning thil a kal lo caan a tam caah a lungre a thei ngai ve lai. Cu lio ah kanmah Laimi cheukhat lila nih an hei rem ve lo ning le an thangchiat ning khi zoh tikah lung rawk ngai cu a si.
(Kan Hnu Deuh A Rak Tial Mi) Than Shwe uknak tang ah mino tampi kan ram an zam tak i ramtha an phan, riantha an tuan i sipuazi an tuah khawh caah duh dim ngai in khua an sa kho, an rum ngai cio.
Nain, Ralbawi Solomon le CNA ralkap tampi cu an zam lo, ‘kan thi lai maw kan nung lai’ timi nifatin phan buin kum caan sau tuk ralkap uknak an doh. An chungkhar caah sipuazi tuah caan an ngei lo, miphun caah an caan dihlak an pek. An chungkhar cu harsa ngai in khua an sa.
Nain, atu cu ramtha a phan cangmi tampi nih CNF/A cu ‘kan phaisa lawng nan duh, nan ralchia tuk, ralkap nan kah ngam hna lo, kan in bawm ti hna lai lo’ tibantuk in zei rel lo ngai in an soisel hna. Lung a tha lo tuk.
Chawva cu aho poah nih miphun caah an pek siang cio ko, kawl than khawhmi a si. Nain kawl than khawh lomi nunnak belte cu ram a daw taktakmi lawng nih pek an siang, miphun caah nunthap hi a sang bikmi miphun dawtnak a si timi philh lo a tha.
Tulio buainak zong ah leklak ramdang a zam colhmi an tampi, nunnak pek ngamh in ramchung ah ralkap a doh ngammi mino zong an tampi ve.
Hmailei kum 5 ah khin tulio a zammi phu nih a zam lomi phu cu ‘nan ralchia tuk ee’ tiah ningzah hngalh lo ngai in dainglukyi tuan an i tim ve te ding khi ruah chung tikah lung a nuam lo ngaimi cu a si.
Credit : Salai Lungthli Tum
Leave a Reply