CDF – Mara nih ningcang loin Tangka khawltu Ngaphaipi khuahlun i, tuahsernak cung ah Cathanh an chuah. (An cathanh chuahmi a tang ah tar chih a si.)
Ralzaam in a umkalmi hna cu Ngaphaipi khuahlun i, Bawinu Tiva Hlei ah mino cheukhat nih CDF- Mara min put in tangka an rak hal tawn hna timi Social Media ah a linsa ngaingai. Cu kong he pehtlai in CDF-Mara nih ningcang loin phaisa hal hmang hna tuahsernak cung ah kan dohkalh, ningcang loin phaisa haltu hna he kan i pehtlai bak lo tiah CDF-Mara an ti.
“Hi bantuk ramri ah CDF min put riangmang in ralzaammi hna phaisa hal hmang mino hna hi dothlennak thazaang a pe lomi an si i, dothlennak thazaang a pe lomi ramrian țuan micheukhat hna he aa pehtlaimi zong an si” tiah CDF-Mara nih an cathanh ah an langhter chap. Credit: Salai Thomas Lian
Nai social media ah a lar ngaimi cu “Ralzammi Hna Tax (Ngunkhuai) Anpek Ter Hna Ramri Ah” timi hi a si. Cucu a tanglei bantukin Zingtincuai Cinzah nih a facebook timeline ah a rak tial kha a si. Atanglei ah rak rel chih ve.
India – Burma Ramri le Bawinuva ah CDF Mara nih Ralzammi hnacu Tax (Ngunkhuai) an pek terhna. Nan sian tawk tein anti hna. Ramdang lei nih bawmhchunh mi tete in, Ralzammi nih 10000 tlap deuh hi i ken cio asi. Minung pakhat nih tlapkhat cio an pek hna. A ngeih lomi cu an pek ve lo.
Meithal le Uniform he asi caah Ralzammi nih an tih tukhna. MAH ruangah ‘LAU’ a ngeih ciami hna “Lau” kan i chap a timi an tlawm te lo. Thi kai mi le lungtur mi an tampi ve. Kanmah le Kanmah i hrem le harnak i pek asi tiah Ralzammi hna an lung a tha lo, a ciah hna i azaw pah mi hna an um. Meithal kan hmuh ah kan tih chin hna.
Pek loin kan um ngam lo anti. Kan tih tuk hna anti. Tutan Ralzammi hi Matupi Myone lawng in 1000 leng ansi. Mara, Lautu, Zophei le Thantlang peng Lai khuate relchih loin. Hakha le Hakha peng in Ralzammi relchih loin. Ralzaam thlahtu zong Ngunkhuai pek ve asi. Lautu minung hi tam deuh in Tax an pek ter hna ti asi.
Meithal aaput lomi, CDF cu fungfek an i ken ti asi. Tlangval cio cio ah kut lawng le Fungfek Meithal aaken mi ti asi caah kan tih ko hna. Ralzammi nu, tar, ngakchia le Pa chupchap caah cun tih an nung hrinhran ko. CDF Mara tih ruangah India ah ra a tih mi an tampi ti asi. India he Ramri asimi CDF Zophei, CDF Thantlang, CNDF, CDF Tonzang nih,
India ah Ralzammi hna Tax nan kholh ve rih ahcun Laimi Mipi cu kan loh cang ko. Dr. Sa Sa nih meithal a cawnpiak hna, Phaisa zong tampi in a bawmh hna, Ramdang um Mara nih tampi an bawmh hna, Myanmar minthang Vocalist Salai David La nih relcawklo a bawm hna, India Mara nih relcawk loin an bawmh rihhna. Cubuin, Ramri ah, Bawinuva ah,
CDF Mara nih, Ralzammi hna, Tax pekter cu asi kho lo ati tu an tampi. CDF Bawihna rumnak asi men lai atitu zong um asi ve. Ramdang um Mara Upa nih ngolter ah atha lai. Credit: Zingtincuai Cinzah
Leave a Reply