2012 October 3 Chin COVID-19 Rescue Team (CCRT) hruainak in Yangon khua ah tuah mi Taungzalat Center ah zohkhenh mi COVID-19 mizaw 27 an dam cang, nihin tiang Oxygen 40L dur 300 tluk an hman cang tiah kan theih.
Hi kong ah CCRT President Rev. NC Thawng Tha Thang nih, “Miphun dawtnak he aa pumpe mi Chin siibawite, nurse hna, volunteers hna, ramchung ramleng in chawva le thinlung ruahnak in a kan dirkamhtu dihlak cung ah kan i lawm,” tiah a facebook cahmai ah a langhter.
Taungzalat Center ah minung 44 an i thlop cang i, zualhma ngai in a phan mi an tampah ruang ah oxygen 40L dur 300 tluk an hman cang i minung 27 nih damnak an hmuh cang.
Relchap ding : Dalaan tiin purhdah mi 400 renglo an thah hna tiah SAC phu nih thanh
2021 February 1 in September 27 tiang ah Dalaan tiin purhdah mi minung 406 an thah cang hna i minung 285 an hliamh hna, tiah SAC phu nih October 2 ah an thanh.
“Dalaan tiin minung 406, Peng 105 chung palek sakhaan 116, Yekin 46, Zung 28, Inn 58 an rawk. Hihi Hriamtlai Phu nih an tuah mi a si,” tiah an thanh.
Peng 372 chung ah kutcheh bomb/kutser bomb kahdohnak voi 2,460 a um, Peng 134 chung ah Thalpak in kahnak voi 340, Peng 26 ah hriamngan kahnak voi 34 tibantuk a cang i hlei hrawh, inn khangh tibantuk a cang tiah an thanh, tiah VOA nih a tial.
The Hakha Time
Leave a Reply