Tay Ngo ralzam umnak hmun hi kan hnu march thla ni 17 ah khan mei nih akangh caah inn dong 663 le minung 2700 leng cu umnak ngei lo in an um. Ralhrang cozah nih kan sak piak khawh hna lailo an ti caah ramchung ramleng NGO hna bawmhnak he sak than mi a si.
“A tu hi inn 400 hrong cu kan sak cang. Mah chungin inn 250 cu Aukthakan, Letka le Paukpin khua mi pawl kan um ter hna. Gulai khua pawl cu an hngak rih ko, ICRC le Arakan ralhrang council lei nih ralzam hna ei-din cu an bawmh ve ko, fur tlak hlan May thla zarh hnihnak hrong cu kan dih ko lai” tiah U Soe Naing nih a chimh.
Tay Nyo refugee camp hi Myauk Oo peng chung ralzam camp hna lakah a ngan cem a si i, khua 13 in ralzam Inn dawng 800 leng, minung 3000 leng umnak refugee camp pakhat a si. A luancia mi kum 2 hrongah AA le ralhrangbu i kahnak ruangah a zam mi hna umnak a si.
Credit The Chin Post
Leave a Reply