Tedim PDF umhmun pakhat cu ZRA nih June 16 ah a voihnihnak luhhnawh in an hrawhpiak than hna.
Hi an hrawhmi PDF umhmun ahhin Muka cihmi(18×50) inn thum,miset datsi,facang, chiti,cite,aalu, minung zakhat caah ni 45 ei,sii-ai hna le a dangdang thilri,Lai meithal/meithal tawi(5) sing(60) man le hi an hrawhmi aman hi tuak ahcun sing 152 man hrawng an sung.
May 22 zong ZRA nih PDF umhmun a voikhatnak an rak hrawh cang.ZRA phu nih kanmah cawlcanghnak/hmunhma ah a dang hriamtlai phu dirh kan cohlang lo tiah tuanvo ngeitu sinah atu le tu kan theihter hna tiah June 27 ah a thanh.
relchap:Nizaan June 17 ah Kawlram ralzaam hna umnak ding caah Mizoram nih a timhtuahpiak nak Zawlsei khuami hna cu an khuapi ningin ralzaam hna umnak inn sak nak caah mau sah in tlangrian an tuan.
June 16 ah relief camp hmunhma cu thianh a si. Ralzaam caah bawmhnak hmasabik Rs. 50000 cu Tuipuiral group YMA Secretary B. Challianngura nih Myanmar Refugee Relief Camp Sub.Committee Treasurer nungak Zothansangi kut ah pek a si.
Sub-headquarter YMA, Champhai nih puan le hruk-aih an bawmhmi hna zong Zawlsei khua ah chiah a si tiah theih asi.
Credit The Chin Post
Leave a Reply