Thai minung 4 nih Kawlram mi pakhat a hngawng an aah, caah Kawl rammi nih duhlonak an langhter

Thai minung 6 nih Kawlram mi pakhat a hngawng an ah,an velh ruangah Kawlram mi duhlonak langhter August 4 ah Thailand ah rian a tuan lio mi Kawlram mi pakhat cu Cal-Comp Electronics sehzung ah Thai minung 6 nih a hngawng ah nam in an ah, a lu an tuk, an velh.

Hi kong he pehtlaih in Cal-Comp Electronics sehzung nih zeihmanh a chimrel piak duh Thailand um mi Kawlram riantuan vialte nizaan August 4 zaanlei in riantuan lo in duhlonak an langhter tiah theih a si.

Nizaan ah khan an riantuannak sehzung pakhat ah an riantuannak hruaitu Thai nu pakhat cu riantuan ve mi Thai pa pakhat nih a velh lio mi cu Kawlram riantuan pakhat nih a hmuh caah a va khamh tiah theih a si.

Mah hi Thai pa nih a lung a tlinlo ruangah Kawlram riantuan pa a rak kir hi a hawi le he an bawh i, nam in a hngawng an ah, an velh mi a si tiah CD zungin Kawlram mi pakhat nih a chim.

Hi kong an theih in Thailand ah rian a tuan lio mi Kawlram mi hna nih zaanlei an riantuannak ah kal lo in Thai sehzung cu chimrel piak dingin an nawl tiah Kawlram riantuan bawmhnak phu (ACC) in Ko Ye Min nih a chim.

The Chin Post