Thaizing May 2 cu Myanmar rampi huap in ralkap uknak duhlo lamzawhnak tuah ding in timhtuah a si bantuk in Hakha le Thantlang zong ah lam cung chuah in lamzawhnak tuah a si lai.
Chinram chung khuapi kip zong ah lamzawhnak tuah ding in timhtuah cio a si.
Relchap:ASEAN meeting a dih hnu ah Min Aung Hlaing le SAC phu nih rian an tuan mi phun 5: Dr. Sasa
1.Sualnak ngeilo khuami nifatin in an thah hna.
2. Nuai 54 renglo Myanmar rammi hramhram fahnak nifatin an pek hna.
3.Rammi kha mifir, misual damiah bantuk in nifatin an tlaih hna, an hrem hna.
4. Tlaihhren mi ram hruaitu upa tel in ramkheel thongtla pawl nifatin in an hrem hna.
5.Rammi sin ah hriamnam hmang in tangka an fir. Cu tangka cun bomb thlaknak vanlawng an cawk i Myanmar rampum an kah, an hrawh.
A cunglei thil phun 5 hi an ngol hlan cu ASEAN biachah mi thil phun 5 cu sullam ngeilo a si. Nawlngeihnak an laak mi NUG sin ah an pek than hnu lawng ah tonbiaruahnak cu kan tuah te lai, tiah NUG Minister Dr. Sasa (Ministry of International Cooperation) nih a facebook cahmai ah a tial.
Credit The Chin Journal ,The Hakha Times
Leave a Reply