Thantlang Ah COVID-19 Mizaw Pakhat Hmuhchap A Si

Chin Ramkulh Thantlang khua ah 2021 January 11 ah COVID-19 mizaw  pakhat an hmuhchap tiah, January 11 ah kan theih. “ Atu COVID-19 zawtnak A ngei thar mi hi Kawl miphun a si. Kalaymyo lei in riantuan ah Thantlang a ra mi a si.

 Anih hi a tlun lecangka in facility quarantine chiahcolh mi a si. Tuzing ah minung 35 quarintine chiah mi kha kan chek hna i cu chung ah atu I zawtnak hmuh mi lawng hi positive a si, a dang kha cu negative an si dih ko. Atu hi RDT ti mi rianrang tein a phichuak aa theicolh mi in kan chek hna.

 Mah hnu ah a taang mi 34 hi PCR in kan chek than hna lai,” tiah Thantlang COVID-19 kong tawlrelnak ah tuanvo ngei mi Salai Sang Bawi nih The Hakha Times ah a chim.Thantlang khua ah  COVID-19 zawtnak a ngei mi minung 3 an si cang i an dihlak in Thantlang sii-inn ah thlop an si tiah kan theih.

Thawngpang dang relchap; Hluttaw Thar Thawk Hlan Ah Hluttaw Hlun Auh Ding In Ralkap Nih Nawlnak An Chuak ;November ni ( 8) rampi thimnak ah teinak a hmu mi hluttaw palai thar pawl tel nak hluttaw thar an thawk hlan ah hluttaw hlun ahnu bik voikhat auh piak than ding in ralkap hluttaw palai pawl nih nawlnak an tuah.

A tu lio hluttaw ah thutnak a ngei mi ralkap ( 160 ) , USDP (36), ANP( 4 ) , NUDP ( 1 ) le Independent ( 2 ), an dihlak hluttaw palai ( 203 ) fonh in ramkomh hluttaw Speaker sinah nawlnak ca kan pek tiah ralkap nih an Langhter.

~ 2008 phunghranpi le Upadi ning in hluttaw palai cheu li cheukhat uak nih an hal si ahcun hluttaw meeting auhpiak khawh a sinak zong an langhter.

~ A dih cang mi thimnak he aa pehtlai mi thil sining kong kha Hluttaw ah ceihmainak khawhnak hnga kan hal mi hna an si tiah ralkap nih an chim.

~ Cu Hluttaw meeting ahcun thimnak ah thimfung a dik lo mi pawl kha zohfel thanding ah a biapi mi biatung pawl langhter kan duh caah a si tiah USDP ( Spoken person ) Dr. Nanda Hla Myint nih a chim.

~ Ramkomh hluttaw nih cun a tu lio caan ahcun hluttaw meeting auh lo in a ralai mi February ( 5 ) ah hluttaw palai thar pawl tel mi a voithum nak hluttaw meeting thar kan auh lai tiah an langhter.Ref.. RFA;Photo – AFP