NUG nih D-Day a thanh hnu September 7 in nihin September 9 tiang khuachung ah bomb le meithal thawng cat loin a puak peng rih i inn le lo a rawkmi a tam, minung tlaihkhih le hliam a tuarmi, a nunnak a liammi zong an um tiah theih a si.
Tuzaan Hakha thawngpang kong he pehtlai in, “Atu hi a puak cuahmah rih ko. SAC mithat hna hi SAC zung cung in hmunhma an laa. Kan thin a phaang hringhran ko. Kaphnih in an i kahmi maw a si maw SAC pawl an i hrocernak deuh dah a si kan hngal kho ve lo,” tiah khuami pakhat nih a chim.
Thantlang zong hi khuapi chung ah chun in atu tiang thawng a dai rih lo. Hliam a tuarmi panga leeng khuami chung in an um i Bomb tlak ruang ah inn pakhat zong a kaang. SAC mithat lei minung pahnih an thi tiah theih a si.
Cun, Thantlang hi kahdohnak a tam ca ah khuami a tam deuh hi cu anmah him nakding hmun ah inn le lo chuah tak in a zaam mi an tam cang tiah kan theih.
The Hakha Post
Leave a Reply