Thaway (ထားဝယ္) ah lamzawh nak thok hlan ah minung 13 cu kah in tlaihkhih an si

Thaway (ထားဝယ္) ah lamzawh nak thok hlan ah minung 13 cu kah in tlaihkhih an si

Nikhat ah voithum hrawng lam zawh nak a tuah mi Thaway khua mi hna cu rallokap le palik hna nih lamzawh nak an thok hlan ah mipi thencheu nak an tuah, cu ahcun nu 7 ,kum 10 luan pakhat tel in minung 13 an tlaih hna, pakhat cu hliam hma a tuar

Rallokap uk duh lo langhternak nifatin cawlcanghnak ah aa tel mi Thaway mipi hna le mino dothlen ding cawlcanghnak ngei mi hna lam zawh nak cu nihin May 11 zingka ah lamzawh ding in timhtuah lio ah mipi thencheu in minung 13 an tlaih hna.

Nihin zing suimilam 8 hrawngah lamzawhnak thok ding in Thaway khua , Buhmaw(ဘု‌ေမၼာ္) sang chung mipi i khomh lio ah rallokap le palik nih hramhram in mipi thencheuh nak an tuah, inn chung tiang luh hnawh in tlaih khih nak an tuah tiah Thaway lamzawh nak hruaitu pakhat nih a chim.

” Kan nih cu lamzawhnak hi suimilam 8:30 ah chuah ding in kan i tim. Suimilam 8 le cheu tlin hlan mipi Kan i hngah cuahmah lio ah motor he Kan um nak hmun cu an rak phan i hramhram in minung an kan then. An phak le cang ka in meithal in an kan kah, an kan tuk an kan velh hna an kan dawh ” tiah a chim.

Mipi thil thuam sawh in minung 3 tel in rallokap le palik minung 30 leng nih Kan hnu he kan hmai Lei he kham in mi an tlaih hna tiah a chim chap.

” Cu ka tonnak hmun ah cun motor pahnih he mi thencheu nak an tuah, si na in mipi thencheu nak um tik ah an mah cu Honda motor he thil sawh i hruk in meithal put bu he mi an tlaih khih hna.Inn hman mi pawl motor cung in mi sawh thuam hruk in minung pahnih,pathum hrawng motor cung cun an van tum. Cu hna nih cun mi an kah hna . Hmai Lei in motor pahnih he mipi thencheu nak an tuah lio ah hnu lei in motor in mi an kham” tiah lamzawh nak hruaitu pakhat nih a chim.

Cu ka mi thencheu nak hmun ahcun Pa Kawng Sat Hein ( kum -16 ) tel in minung 13 tlaih khih an tong, kum -20 si mi nu pakhat khaihriat kuan nih a khen tiah lamzawh nak ah aa tel mi hna nih a chim.

Mipi thencheu nak an tuah hna ah an zam nak tiang in an kawl hna. Inn kutka hna zong hrawh le luh hnawh in an tlaih hna , an kah hna tiah mit in hmu tu pakhat nih a chim.

” Kan inn ah minung 4 hrawn an lut, inn pawng ah minung 30 hrawng an um .Inn chung thawng pang aw an an theih caah si rua kut ka hrawh in mei thal an puah , inn chung tiang lut in meithal puah nak an tuah” tiah a chim.

Ralhrang rallokap nih nawl ngaihnak an lak ni 100 tlin ni nihin May 11 tiang ah ralhrang hna nih hramhram kahnak ruangah nunnak a liam mi minung 781 an si cang.Tlaihkhih a tong mi hna dihlak minung 4916 an si cang tiah AAPP nih may 10 ah an langhter.

Credit The Chin Post