Thawngpang Fiang : Falam Khuapi Ah Meithal Le Hriam Dang Dang Pekchanh Dingin Nawl An Chuah

Falam khuapi ah meithal le hriam dangdang ngeihmi a ho ansi ah rallokap sinah an neih mi hriam pawl pekchanh dingin nawl an chuah i,nawl chuah bantuk in pekchanh ahcun hremnak in luat ding,pekchanh lo i tlaih sual ahcun thongthlak an si lai tiah an nawl chuahnak ahcun an langhter.

Falam khuapi chung i ca an tarmi ahcun ” kut tuahmi meithal,kut tuah bomb,hriam le a puak kho mi minung nunnak caah tihnung thilri le hriam pawl a chiahmi cu hriam phunglam Pohmah 18(sah) bantuk in kum 3 thongthlak khawh le hriam phung le lam pohmah 19 bantuk in kum 3 in kum 7 tiang thong thlak khawh a si. Hriam,namsau,fei,thal tbk.. minung nunnak caah tihnung a chiahmi pawl cu hriam pohmah 19 bantuk in hremnak pek an si lai i rianhrang tuan le kum 3 chung thongthlak an si lai.

“Mipi kalnak lam,zalam pi kal kho lo dingin kham le hrawkhral tu zong pohmah 431 in hremnak le kum 5 chung thongthlak ding,

Khua le mipi himnak caah hriam phun phun i chiah lo dingin nan ngeihmi thil ralkap sinah nan pekchanh a si ahcun zei bantuk hremnak hmanh pek nan si lai lo tiah theihter a si” tiah an langhter. Cred : Chin Post