Thawngpang tha : KNDO Nih Ni 20 Chung Ah Ralhrang 35 Kah Thah

Karen National Union (KNU)tthit hruainak tang ah ummi KNDO Battalion (1) nih ni 20 chung ah ralhrang 35 kahthah tiah KNU nih a thanh.

”KNDO Battalion (1) le SAC ralhrang karlak ah September 1-20 ah voi 45 kahdohnak a chuak i ralhrang lei in minung 35 an thi i 51 hliam an hmu ”KNU nih cu a langhter.

Thailand- Myanmar ramri Thanlwin tiva kuanghrawn ummi ralhrang Camp hna cu KNLA le KNDO hna i bawm in an lak hna hnu in cu an camp hlun hna cu lakkhawh tthan ding ah ralhrang lei nih biatak tein ttan an la than tiah KNDO Tawngmangham Saw BoMi nihcun a chim.

Cun KNU Tatmaha(5) ramchung ah ralhrang kuttang simi ramri veng ralkap ‘BGF’ nih ralser in an um caah nichiar te i kahnak a chuak tiah KNU nih a thanh.

Relchap : Chin ramkulh Thantlang khua ummi mipi vialte nih an chuahsem nak Thantlang khua cu an chuahtak dih cang.

Hi kong he pehtlai in Thantlang khua nih bochan mi upa pakhat nih ” NihinSeptember 20 ni thok cun ThanTlang cu kan chuah tak dih ko cang lai e. A damlomi Tarnu Tarpa kan van fimtawl khawh in Pu Ram Khar te chung he kan zam ve cang hna lai. ThanTlangkhua mei nih a kangh lonak ding tu Thla rak cam cio ko u” tiah Pu Lawm Bik nih a Facebook ah a tar.

Thantlangkhua cu Bawipa nih venghram sehlaw, mipi ralkap vialte hna himbawm cio hram uh!

The Chin Post