Thawngpang thar : October ni 9 ah Tedim ah ralhrang a hung phanmi hna cu, October ni 10 chunah khan an kir tthan e tiah TTP nih athanh

Thawngpang thar : October ni 9 ah Tedim ah ralhrang a hung phanmi hna cu, October ni 10 chunah khan an kir tthan e tiah TTP nih athanh.

Biachap; Mah ralhrang Tedim in akirmi hna hi khoika an phak le kal an timh theih asiirh lo. Credit : Chinland 7 Post

Relchap : Ralbawi Myo Htut Hlaing PA Le A Mawtaw Khaltu An Zam Hnuin Ralhrang Chungah Lungdernak Le Nawlngaih Lonak A Chuak

Chin ramkulh Hakha hrambunh North-West Command, Deputy Commander Myo Htut Hlaing i a Personel Assistance (PA) le a mawtaw khaltu pa cu an zam i a himnak hmun an phan cang tiah theih a si. 

Cu hna pahnih an zam hnuah ralhrang chungah lungdernak, tihphannak le nawlngeih duhlonak a chuak i cu kong cu a lengah chuahter hrimhrim lo dingin nawlngeitu hna nih an i zuam. 

Cu lawng si loin ralhrang nupi le hna zong hriam an tlaihter cang hna. Cun Chin ramkulh SAC Chariman U Ngun San Aung zong hriam an tlaihter ve tiah theih a si fawn. CDF nih Lungler sakhan an lak lio zongah khan bawmtu thlah dingin Deputy Commander Myo Hut Hlaing nih nawl a pekmi hna cu Thantlang ralhrang hna nih an zul duh lo. Hi kong he pehtlai in Monywa i North-West Command Headquarter ah Ralbawi Myo Htut Hlaing nih a lih in thawng a thanh hna tiah a PA pa le a mawtaw khaltu pa nih an phuan. Ref: CHRO & Khet Thit Media The Chin Post