June29,2021 zing lei suimilam 5:40 in 11:00 tiang Chin ramkulh,Hakha peng Bungzung palik sakhan ah ralhrang rallokap phu hña le CDF-Hakha kar kahdohnak ah ralhrang lei in minung 20 hrawng an nunnak a liam.
CDF lei himten an um dih hna , minung pakhat bel tlawmte aa hliam tiah Chinland Defense Force nih an langhter.
The Chin Post
Relchap: June 30, tuni ah ralhrang nih hramhram in an tlaihmi thonghnih renglo kan thlah hna lai tiah ralhrang lei chimthanhnak tuanvo ngeitu nih an chim.
February 1-June 29 tiangah ralhrang nih hramhram in an tlaihmi 6421 an si. An thlah than cangmi zeimawzat an um i 5224 hi thlah rih lomi an si. Cu chungin tuni ah minung 2342 cu thlah an si lai tiah ralhrang lei chimthanhnak tuanvo ngeitu nih cun an chim.
Cun Hakha palik sakhan ah hrenmi minung 41 zong tuni ah thlah an si lai tiah Chin World nih a tial. Hakha palik sakhan i an hrenmi hna hi nu 8 le pa 33 an si. Pohmah 505 (a) in taza cuaimi an si tiah theih a si.
The Chin Post
Leave a Reply