South Korea ram ah inn dot nga i sang mi an ttheh cuahmah lio mi cu atlu i a pawng i dir lio mi Bus cu a nenh, mah ruangah minung 9 hrawng an thi tiah nawlngeitu lei nih an chim.
An ram thlanglei Gwangju khuapi i thil cang mi ah hin minung 8 nih hliam an tuar. Bus ah hin minung 17 an icit i, in ttheh lio mi pawng ah hin Bus hi adir tiah National Fire Agency nih cun a chim.
Inn an ttheih cuahmah mi hi tluk ai timh ruangah riantuantu dihlak cu hmun him lei ah an i thial tiah langhter asi. Inn cimh nak pawng i a ummi Yang Ik-Je nih cun lihninh bantuk bak asi tiah Yonhap News Agency hna sinah a chim.
South Korea ah hin kum 1995 zong ah khan inn ttheh cuahmah lio mi cu a cim sual cang i, minung 500 hrawng an rak thi.
Leave a Reply