Tedim Ah I Kahnak Chuak Kho-Tu zan, Myanmar nitlak lai ah Kalaymyo in Tedim lei ah ralkap mawṭaw panga a kai i a chung ṭhumi cu an tam lo. Tedim khuami nih kah ding in an i tim tiah teirialcatialtu cu 9.mile in an van chimh. Tedim minung an tlaihmi hna cu mipi an thinhun caah ralkap nih ခံတပ် an kan kah ahcun kan kah ve hna lai an ti, ti a si. Tamu zong ah RPG -bomb hmang in an phomh cuahmah hna. Tamu mipi nih an leh ceomo ko hna.
Thawngpang dang relchap: Hakha Cherry lam um Salai Za Cung Lian le a naupa Aalian cu 1:14PM hrawng ah Palek le ralkap nih an inn ah an luhhnawh hna i an tlaih hna tiah theih a si. Hi tlaihkhihnak ah palek le ralkap an ra i an inn number an zoh hnu ah an luhhnawh hna i a tlaihcolh hna. A fiang ko mi ralkaplei Dalaan an țhawng tuk i an inn number tiang zong an rak pek khawh dih hna tinak si ko tiah a hmutu pakhat nih a chim.TCP
A dang relchap ko rih; Kalay Phak Hlan, Sitha Khua Pawng ah Mipi le Myanmar Ralkap an i Kap-Nihin zanlei sml. 5:00 hrawng ah Hmandaw lei in a rak rami Myanmar ralkap le mipi karlak kahdohnak Sitha khua phak lai ah a chuak, tiah thawng kan theih. Gangaw lei in a rak rami ralkap motor pawl kham ding in lamthluan ah a ummi khuami hna nih thingkung an hau i, cu thingkung pawl thianhpiak ding in motor 4 hrawng in ralkap an rak ra. Sitha le Natmyaung khua karlak ah mipi nih Lai meithal pawl in an orh ve hna i kahdohnak a chuak.Kap hnih in hliam a pumi le a thimi an um lo le um lo theih a si lo. I kahdohnak a chuaknak pawng i Sitha khua hi Laimi tampi khua an saknak Lai khua a si. The Chin Journal,March 29, Yangon
Leave a Reply