Thawngthar: CDF KKG Nih Nihin Kahdohnak Ah Ralhrang 3 An Thah I Tam Tak An Hliamh Hna

February 2, 2022: CDF KKG Nih Nihin Kahdohnak Ah Ralhrang 3 An Thah I Tam Tak An Hliamh Hna: Kalay myone chung SAC ralhrang phu le CDF KKG kar, nihin kahdohnak ah SAC ralhrang phu lei in 3 nak tlawmlo an thi i, tampi nih hliamhma an tuar tiah theih a si.

Thil sining cu Sagaing ramthen, Kalay myone, Hmandaw khua pawng ah Sit-kyaung a rak rami SAC ralhrang phu pawl cu CDF – KKG Tatzing 4 nih tu zing suimilam 9 am hrawng ah bomb in an doh hmasa hnu ah suimilam 1 leng chung kaphnih kar kahdohnak a chuak i cu kahdohnak ah SAC ralhrang phu lei in 3 nak tlawmlo an thi pinah tampi nih hliamhma an tuar tiah theih a si.

Minung thazaang 100 leng a ummi SAC ralhrang phu le Pyosawht phu fonh hna kha CDF KKG Tatzing 4 phu nih an kahmi a si i, CDF ralkap pakhat nih hliamhma hme (thinphang ding a si lo) a tuar ve i, tluang tein hnu an tolh kho tiah CDF Kalay Kabaw, Gangaw nih thawngthanhnak an tuah hi a si. Nihin caah cun thawngpang tha bak a si ko.

Cu bantuk thiam in zinglei suimilam 11 am hrawng ah Kalay myo lei in a rak ra mi SAC ralhrang motor 5 cu CDF KKG Tatzing 4 nih hriamnam ngan in voi 3 nak tlawmlo an kah i SAC ralhrang 3 hrawng nih hliamhma an tuar ti si. Cu ralhrang motor 5 hna cu Hmandaw khua ah hmunhma an khuar i khuami inn zuat satil hna an duhduh in an thah i an ei hna tiah theih a si.

Cu ka hmun ah SAC rahrang phu le Local CDF phu kar, zei tik caan paoh ah kahdohnak a chuak kho caah zan suimilam 9 in February 12 ni tiag Kalay – Gangaw Pyidaungsu lam ah um kal rih lo ding in CDF KKG nih ralrin peknak an tuah tiah theih a si. Hmanthlak tar chih mi hi CDF KKG ralkap Pasaltha hna hmanthla an si. Ref: KTM

Be the first to comment

Leave a Reply

Your email address will not be published.


*