Thawngthar: Kalay Peng Sitha Khua Cu Ralhrang Ralkap Nih An Kah Len Tiah Thawng Theih Asi

Kalay peng Kalay-Natchaung lam cungah a ummi Sitha khua cu May 21 zinglei ah Rallokap nih an kah len tiah theih a si.

Kalay in rallokap mawtaw 11 cu Natchaung lei ah an kal i Sitha khua pawng an phak ah bomb a puak, cu caah Sitha khuachung lei cu rallokap nih an kah lennak a si. Khuami an hliam hna maw hliam lo ti cu fiang in theih a si rih lo.

Hi rallokap mawtaw hna hi Natchaung-Waibulah lam in Falam lei ah kai an i tim tiah ruah a si.

Asinain 10:30 am hrawngah khan Kalay lei ah an kir than tiah theih a si.

May 21, tuzing 8:30 hrawngah rallokap khat tein a phurmi mawtaw pahnih cu Falam-Hakha lei ah a kai tiah theih a si.

Falam-Hakha lei a kaimi khualtlawng mawtaw hna cu Hriangzing khua in Kalay leiah an kir than hna. Tidim lei a kal ding mawtaw tu an lan.

CDF an cawlcangh a tha deuhdeuh i rallokap nih Laitlang ah an thazaang an chap chin lengmang ve. Kahdohnak a fak chinchin kho!

The Chin Post