Thawngthar : Katha Ah KIA le Katha PDF Fonh Ralkap le Ralhrang I Kahnak A Chuak

Sagaing ramthen,Katha peng Namsan khua le Nawnpin khua hna ah nihin July 3 zinglei suimilam 4:30AM hrawngah KIA le KPDF fonh ralkap le ralhrang rallokap kar ah i kahnak a chuak tiah theih asi.

Zinglei suimilam 4:30 in 8:00 tiang i kahnak ah Namsan khua inn cheukhat a kang tiah theih asi.

“Namsan ah i kahnak a chuak.Nawnpin lei zongah i kahnak a chuak.Asinain Namsan ah i kahnak thawng a tam deuh,cheukhat inn hna cu hriam nih a tlak caah a kang,sianginn pawng hrawng zongah puahkeh thawng theih asi” tiah khuami nih an chim.

I kahnak hi zinglei suimilam 4:30 in 5:00 tiang voikhat suimilam 6:00 in 8:00 tiang voikhat a chuak,atu ahcun Namsan khuami hna cu an khua ningin himnak hmun ah an zaam hna.

Hi i kahnak ah kaphnih in hliammi zat fiang in theih asi rih lo.

The Chin Post