Thawngthar : Mukoh CDM a tuah mi siangcachim sayamah le a pa meithal in kah an tong

Mukoh CDM a tuah mi siangcachim sayamah le a pa meithal in kah an tong

Mukoh nitlak um panmahcohtapeih sang ah a ummi CDM a tuah mi siangcachim sayamah le a pa hna cu tuzing slm.5:00 hrawng ah meithal in kah an tong tiah theih asi.

An inn ah Cycle in mi pathum an ra i an pafa in an kahthah hna, mah pin ah sayamah i a nau zong nam in an tuk tiah theih asi.

Thahnawn a um nak Panmahcohtapeih sang ah ralhrang nih chekhlatnak an tuah ti zong theih asi. Cred : The Federal Times

Relchap : Ralhrang Nih Lam Hmuhsak Tu Ah An Hman Hnu Ah Pa 1 An Kahthah

Shan ramkulh thlanglei, Phekone peng, Kuang Wat khuami Ko Hla Win cu ralhrang tatmah (88) Nih rallam hmuhsak tu ah hman hnu ah an kahthah beh tiah khuami hna nih an chim.Ko Hla Win cu Ka Yann ca tial lei ah a cawlcang mi a si i November 8 ah ralhrang rallam sial in Kuang Watt khua ah an luh lio ah a mah cu an tlaih tiah theih a si.

Amah cu ralhrang nih an thil an hruk ter i lam hmuh sak tu ah an hman hnu ah ramlak hmun pakhat ah an kahthah beh.” A ruak cu an chek tik ah a keng ah meithal hma pakhat le a ke ah meithal hliamhma pakhat he fak taktak in a lu ah meithal kuang in an tuk nak ah a kuai nak hna hmuh asi ” tiah chungkhar hna sin in theih a si.

Mah a ruak hna cu a rim nam hnu ah hmuh asi i a ruak thianh hlimh ding in kan zoh lio ah Ko Hla Win a si tiah chungkhat a si mi nih feh ter nak a tuah tiah theih a si. Cred : The Chin Post