Thawngthar : SAC ralhrang nih PDF-Kalay Medical Team Nu 8 le Pa 2 an Tlaih hna

Kalay peng nithlanglei kap ah a ummi PDF-Kalay ralkap bu no. 3 an umnak cu SAC ralhrang nih nizaan zinglei sml. 10:00 hrawnh ah an luh hnawh hna i Kalay-PDF sii lei ttuanvo a lami nungak 8 le pa 2 an tlaih hna.

Tlaihmi hna khamh ding in CNDF le PDF-Kalay nih atu zong SAC ralhrang pawl an kah cuahmah hna.

“Tlaihmi hna nan thlah hna lo cun lam kannin onh hna lai lo,” PDF-Kalay nih Speaker zong in an au hnawh hna i atulio i kap hnih karlak i kahdohnak a linhsat liopi a si.

Pa pahnih an tlaihmi hna hi an nunhimnak kong ah kan lungre a thei, tiah PDF-Kalay kih cathanh ah an langhter. The Chin Journal

Relchap : Ralhrang NIh An Tlaih I Ralphaw Ah An Hmanmi Kanpetlet Mino Pahnih Ralhrang Meithal An Lak I An Zam

Chin ramkulh Kanpetlet khua in Magway ramthen Saw khua ah a kalmi ralhrang hna nih an tlaih i ralphaw ah an hmanmi Kanpetlet mino pahnih hna cu Nov 16 ah khan ralhrang meithal pakhat an lak hnuah an zam i a himnak hmun an phan cang tiah Nov 17, tuni ah tuanvo ngeitu hna nih an chim.

The Chin Post