SAC ralhrang zaangfahnak in thonginn in naite ah a chuak i Lai meithal le vainam i put i Falam peng chung ah thilfirnak le nu tlaihrem sualnak pawl a tuahtu Cung Ro Suan cu khuami nih an report bang in CNDF nih November 8 ah an tlaih i November 20 ah an thah.
“Hmailei zong ah Falam peng le Kalay-Kabaw hmunram ah sualnak a tuahmi pawl cu Chin Acts upadi ning in dantatnak pek an si lai,” tiah CNO/CNDD nih an langhter. Cred : The Chin Journal
Relchap : Ralhrang nih Pu Biak Ngei Sang ahngawng tan in an thah
Aluancia November 16 lio, Kalaymyo peng ah a um mi Pu Biak Ngei Sang kum (48) cu lo a kalnak in a tlunpah ah Ralhrang nih naam in ahngawng an tan i an thah, tiah kan theih.
Hi ni lio ah chunnitlak kahdohnak a cang i Pu Biak Ngei Sang hi alu ah meithal in an kah ve hnu ah ahngawng zong an tan.
Pu Biak Ngei Sang hi Tolre lo (dum) a tuah mi a si. Anupi le fale 4 a rohtak hna, tiah CNO/CNDF nih an thanh.
The Hakha Time
Leave a Reply