Thawngthar Update : Paletwa ah U Aung Thang nih afar-va naam in a sawhthah, afar le tule zong naam in hliamh

Paletwa ah U Aung Thang nih afar-va naam in a sawhthah, afar le tule zong naam in hliamh

October 15| Paletwa Peng Sami khua pawng Saunglan khuami U Aung Thang (kum 40) nih lo an riahnak ah afar-va (afarnu pasal) naam in a sawh i a thi, afar, atunu le tupa minung 3 zong naam in a sawh hna i an i hliam, tiah theih a si.

September 23 lio ah khan U Peter (kum 27) le anupi Daw Ko Lone (kum 33), an fapa Moses, Nyi Htet Aung, le fanu Samari hna cu facang-ah ah lo an riak.

Cu zaan 11:00 PM hrawng ah Daw Ko Lone tapa U Aung Thang nih an chungkhar 5 in naam in a sawh hna. An pa U Peter cu a hngawng ah a ah i a thi. Daw Ko Lone cu alu hmun 8 in an thitpiak. Atai, aliang, akut le ake hrawng ah naam hma lawngte a si. An fale zong an lu, liang le ke tibantuk an i hliam.

U Aung Thang le afarnu pasal techung hi bia-alnak in an rak i vel (vua) bal i afarnu zong akuttum in a rak thongh ruang ah khua upa nih vokthau le tangka Ks.30,000 an rak liamter bal cang. U Aung Thang cu atu hi Paletwa Palek sakhaan ah an hren, tiah Zalen nih a tial.

The Hakha Time