Kum 45 zet a âwmna chinchang an hriat tawh loh avânga a chhungte’n nungdama hmuh an in beisei tawh loh Sajjad Thangal ( kum 70 mi ) chu an in lam pan-a a haw leh meuh chuan a chhûngte chu an va lawm kher em. Kum tamtak a thangbo hnu-a an khua Sasthamkotta, Kollam district (south Kerala) a haw chu, Thangal-a nu kum 91 lai ni tawh chuan eitur thil thlum nen a lo hmuak a. An in hmuh chuan an in pawm chawt a, sawitur nei ṭeuh si sawi chhuak thei lovin an ṭap zawih zawih hi a ni ber.
Thangal-a hringnun a inlinglet thawk na bulṭanna chu kum 1976 a Indian Airlines Flight 171 Thlawhna, Mumbai a chhiat a tawh hnu khan a ni. He thlawhtheihna chhiat tawhnaah hian mi 95 in nunna chan-in, South Indian Actress lar tak mai Rani Chandra a chuan ve na kha a ni.
Thangal hi Dubai leh Abu Dhabi ah Cultural Programme a buatsaih in sum a zawng ṭhin a.
Chutiang programme an buatsaih ṭhinte zing a 1 a tel ve tûr chuan Rani Chandra pawh kum 1976 khan sawm ve a ni.
Mumbai, Navi a NGO a thagal enkawltu, Father KM Philip, founder of Social and Evangelical Association For Love chuan ” October 12, 1976 khan thangal leh ennawm chhuahtu te chu khua lam panin haw zai rel an tum a, mahse an thlawhna a thlawhchhuah dawn hnaihah chuan an organising committee lama thil fello a awm avangin Thangal-a chu a chuang ve ta lova. Thlawna accident ah a tel ve lo phah.
Vanduaina a thlen hnuah Mumbai ah khawsa in hna chi hrang hrang, a hmuh ang ang te a thawk ṭhin a. Mahse chhiat tawhnaa a ṭhianṭha tak takte leh a sumdawnpui ṭhiante a lo chan tawh avâng chuan Thangal-a rilru pawh nasa takin a buai phah a.
A tal buai telh telh hnu chuan NGO, rilru lam enkawlnaah dah hial a ngaih phah ta a ni ” tih Chanchinbu mite hnênah a hrilh.
Thagal enkawltu, Father KM Philip.
Rei tak rilru lam enkawlnaa a awm hnu chuan NGO a thawkte chuan Thangal-a chhugte chu zawnsak in, a nu kum 91 lai ni tawh Fathima Beevi chu a la dam thu an hre chhuak a. Rei fe phone hmang a an nufa an inbiak hnu-ah 24th July, 2021 ( Saturday) khan a chhungte nêna an chhena ṭhin, an khua Sasthamkotta ah chuan an thlah haw ta a ni.
Thangal chuan ” khatih hunlai kha chuan insurance kha minawlpui hriat a la ni lova, sum pawh ka hlauh nasa hle. Police-te’n min zawnchhuah kha ka hlau a. Mi zawng zawng deuhthaw khan thi tawh ngei ah min ngai bawk nen Mumbai ah hna chi hrang hrang thawkin ka awm hlen ta a ni” a ti bawk.
Thangal-a chhûngte sawi dânah chuan, thlawhna accident ṭum khan passenger-te zingah a hming an va zawng a, mahse vawi tam an zâwn hnuah pawh hming list-a a tel ve takloh ah chuan thi tawh ngaihin an ngai ta a ni, an ti.
Thangal-a hian unaupa 2 leh farnu 3 a nei a, ” ka damchhung hian ka chhûngte hi hmuh ka in beisei tawh lova a bîk in kanu mawlh hi, ka tan chuan tawnmang a tak rama rawn chang ang hi a ni ” tiin, a chhûngte mai bakah an khaw mipui tamtakte’n an lo hmuah thu, Chanchinbu mite hnênah chuan a sawi.
Source: Hindustan Times
Update on : 1st August, 2021
Leave a Reply