Chin ramkulh Tidim peng Gawsing khua ah tuzing slm.3:00 hrawng ah CNF/CNA le Zomi ralkap (ZRA) phu kar kahdoh nak a chuak tiah theih a si.
Gawsing khua ah Tidim peng in meng 30 hrawng a hlat nak india-Myanmar ramri ah a um mi khua pakhat ah tuzing slm.3:00hrawng ah kahdoh nak a chuak i khua mi pahnih hliam hma an bu i an khua zapi te’n him nak hmun ah an i dor tiah Tidim khua mi pakhat nih a chim.
Tuzing slm.3:00 hrawng ah an thok tiah kan theih, khuami pawl him nak ah an zam hna khuachung mi pahnih hliam hma an bu tiah Tidim khua mi pakhat nih a chim. Tu kahdoh nak hen pehtlai in Chin ralkap lei pehtlaih kan i zuam cuahmah lio a si.
Mah hnu thawng i an chim dan ah cun Chin ralkap (CNA) phu cu Tidim peng chung ah ralhrang pawl an kah hna lio ah ZRA nih ralhrang pawl an bawmh hna ZRA hen zong an i kap tiah theih a si, Sinain Chu Nuam Tung lei in thawng fian an chuah rih lo.
Zomi raldo phu ralkap ZRA hi 1993 ah an rak dirh mi a si i kum 2005 kum ah India cozah hen lung rual nak an tuah i khua leng veng tu ralkap ti’n an thlen i india ram Manipor ramkulh ah um hmun khuar mi ralkap an si.
ZRA ralkap nih ralhrang a do mi Tidim peng chung mizapi veng tu ralkap pawl tuan deuh zong ah an rak doh bak cang hna.
A luan cia May 22 ah Tidim peng ah hmun a khuar mi PDF riahbuk pakhat an rak lak bal bantuk in July 16 ah PDF-Zoland riahbuk an doh hna i meithal, riahcaw, sii ai a phun phun a zaa pi ting (60) leng an hrawh piak bal cang hna.
Mah leng ah September thla chung zong ah Tidim peng CDF-Hualngo riahbuk pakhat cu ZRA nih an rak luh hnawh bal cang hna Dec.5 ah PDF-Zoland lutlai a si mi U Cin Sian Suam zong Tidim khua ah an kah thah.
Chim ramkulh chung ah ZRA phu i thil tuah mi hen pehtlai in Chin mizapi veng tu ralkap a si mi Chinland Join Defense Force zong nih fak pi’n dan tat nak a tuah i kan kahdoh than hna lai tiah ralring pek nak caa an rak chuah bal cang. Cred : The Federal Times
Leave a Reply