Maw kan ram, fuat nan tlaih tuk USDP. Daw Aung San Suu Kyi, President U Win Myint le Chief Ministers dihlak tlaih an si.2021 February 1 zingka ah Myanmar ram Ruahnakpetu Daw Aung San Suu Kyi, President U Win Myint le Ramkulh le Ramthen Chief Ministers dihlak Ralkap nih an tlaih hna, tiah RFA nih a thanh.NLD party in Chimphuannak Nawlngeitu Dr.
Myo Nyunt nih, “Kan party chung in minung hna kha ralkap nih an tlaih (auh) hna. Daw Aung San Suu Kyi le President U Win Myint zong an tlaih hna. Cun, Shan Ramkulh Chief Minister U Soe Nyunt Lwin, Kayah Ramkulh Chief Minister le NLD party Chairman U Taung Htay, Linkhe Peng Chairman, Ramthen Hluttaw Palai hna le NLD CEC U Hanthar Myint, U Thein Lwin zong an tlaih hna i keimah zong hi kan rak in tlaih lai, tiah an ka ti i cucu ka hngak ve ko hna,” tiah a chim. Atu bantuk in ralkap nih nawlngeihnak an lak hi February 1 zinglei khuadei hlan ah a si.
A ngaingai cu a voi thumnak Pyithu Hluttaw Palai meeting auh ding nicaan a si.“Hiti an tlaih hna nak a ruang hi mee cazin ruang ah a si, tiin sullam an tlaihter ko lai. Kannih cu upadi le phung ning tein kal kan duh. Annih ralkap hi hriamnaam aa tlaih mi an si ca ah an duhpoh in rian an tuan ngam tinak a si lai cu. Rammi mizapi zong nih thluak fak tuk bu le thinphan tuk in lehrulh lo ding a biapi.
Zei thil poh hi upadi ning tein tuah a herh,” tiah NLD Chimphuannak Nawlngeitu Dr. Myo Nyunt nih a chim. February 1 zaanlei 3:30 tiang ah Yangon Ramthen Chief Minister U Phyu Min Thein, Kayin Ramkulh Chief Minister Daw Naing Khin Htwe Myint, Mon Ramkulh Chief Minister Dr. Aye Zan le Ramkulh le Ramthen Chief Minister dihlak ralkap nih an tlaih hna. (Ref: RFA)
Leave a Reply