Twitter CEO Jack Dorsey Nih President Trump A Phihkhar Mi Cu An Company Caah Tihnung A Sinak

Twitter le Facebook nih Capitol buainak ruangah President Donald Trump sual an phawt i accounts an thah piak caah nizan tiangah an market value cu a chukbaling in a khawt than i, 51 Billion man an sung cang ti a si Twitter CEO Jack Dorsey nih President Trump a phihkhar mi cu an company caah tihnung a sinak a thlite in a chimmi video clip zong a zut  ti a si.Atu ning in cun an company chungah faak ngai in buainak chuak khomi a si.

Thawng pang dang relchap/Nancy Pelosi Hruainak In President Donald Trump Cu Sual Puh Aton;Democrats nih an control mi Pyithu Hluttaw, House ah House Speaker Nancy Pelosi hruainak in President Donald Trump cu a sual tiah impeach an tuah. House hluttaw palai nih vote an thlak i, Democrats an tam deuh hlei ah Republican minung 10 nih Democrats lei ttang in vote an thlak caah vote 232-197 in President Donald Trump cu a sual tiah impeach an tuah.

Democrats lei ttang i vote a thlatu Republican palai hna cu Democrats an thawnnak state in a rami mi tam deuh an si. Liz Cheney of Wyoming, Dan Newhouse of Washington, John Katko of New  York, Fred Upton of Michigan, Jaime Herrera Beutler of Washington, Adam  Kinzinger of Illinois, Anthony Gonzalez of Ohio, Peter Meijer of  Michigan, Tim Rice of South Carolina le David Valadao of California hna an si.

President Donald Trump cu a dirkamhtu hna nih Capitol Hill an luh hnawh ruangah sual an phawt i, President phuah khawhnak article of impeachment pakhat in sual an phawtmi a si. House nih President Donald Trump cu sual an phawt cang caah Senate ah tazacuai ding in an lanhpi lai.

Senate Majority leader Mitch McConnell nih cun Joe Biden President rian a thawk hnu lawngah President Trump tazacuainak cu thawk khawh dawh a si. Senate meeting cu January 19 lawngah meeting tuah a si lai caah President Trump a dinh tiangah tazacuainak dih khawh dawh a si lai lo.

Januarty 21 ah President Trump cu a din lai i, Joe Biden nih President rian a thawk colh ve lai. Senate i taza an cuai zongah Democrats nih tei khawhnak lam a um lo   Senate i cheuthum cheu hnih vote lawng in President Trump cu phuah khawh a si  Senate ah Democrat le Republican cu vote 50 veve lawng an ngei.

Senate i cheu thum cheu hnih vote lawng in Trump cu sual dantatnak pek khawh a si. Mah an tuah khawh lawngah Donald Trump cu President thimnak ah i cuh kho ti lo ding in an kham khawh lai. Republican nih cun Democrats pawl thil tuahmi cu sullam a ngei lomi a si, US caah thatnak nak in chiatnak a chuahpi lai.source; Salai Lai Ram Thang.