Uico Ralhrang Nih An Minung Lila An Thah Cang, Cheukhat Nih An Chuak Tak Cang Hna

Pakokku ah SAC ralhrang nih khinhmi sang khuabawi Tin Ko le Pyosawhti hruaitu Shwe Ti hna cu SAC ralhrang phu nih meithal in an kah hna caah Shwe Ti cu a thi Tin Ko cu hliamhma a tuar tiah theih a si. Magwe ramthen, Pakokku myone ah SAC ralhrang phu nih sang khuabawi rian khinhmi Tin Ko le Pyosawhti hruaitu Shwe Ti hna cu SAC ralhrang phu nih,

January 10 ni, zanlei sang ah meithal in an kah caah Shwe Ti cu a thi i, Tin Ko tu hliamhma a tuar i sii aa thlawp lio tiah khuami nih Yangon Khit Thit Media ah an chim ning in theih a si. “Thil sining cu, sang khuabawi Tin Ko le Pyosawhti hruaitu Shwe Ti hna cu January 10 ni zanlei sang ah motor he an ra i, SAC ralhrang phu nih an motor an kham piak hna.”

“Cucu anmah le anmah an si tikah an motor zong cu an theih lai tiah an ruah i an motor an dirter lo caah SAC ralhrang phu nih an kah hna. Shwe Ti cu Pakokku siizung ah a thi. Tin Ko zong a hliamhma a zual ngai caah cu zan ah Pakokku in Mandalay siizung ah an kuat hna. Thi ve dawh a si” tiah Khuami pakhat nih a chim hi a si.

Kah a tongmi khuabawi Tin Ko le Pyosawhti hruaitu Shwe Ti hna cu SAC ralhrang phu nih training an pekmi hriamnam tlaih training a dih cangmi an si i, SAC ralhrang phu caah mi a khawmhsuahtu an si ti si. Atu Pyosawhti hruaitu an thah caah Pyosawhti cheukhat an chuak ti zong in theih a si. Pyosawhti hruaitu Shwe Ti cu Pakokku khuapi, 14 lam, 11 sang,

Myaing lam nitlak lei ah a ummi a si ti zong in theih a si. Hmanthlak tar chihmi hi SAC ralhrang phu nih an thahmi Pyosawhti hruaitu Shwe Ti cu a si. Tu bantuk in anmah le anmah an i thahmi zong hi teinak lam le naihtertu pakhat a si ve. Atu ah an hruaitu an thah piak caah Pyosawhti cheukhat a chuahmi zong an um ti theih a si cang i mipi caah thawngpang tha ngai a si. Ref: KTM