Ralkap nih The Hakha Post Zung an bauh i an luhhnawh. Thilri zeimawzat an laak i an kir.”An bauh hi April 3, zinglei 10:00 AM tluk ah a si. Thilri zeimawzat an laak i an kir. IBC Biakinn lei tiang an va kulh.The Hakha Times Zung tu cu an luh ka hmu lo” tiah a hmutu pakhat nih a chim.
Thawngpang relchap;Myanmar He Pehtlaih In Hnu Bik Thawng-Ramkomh bu Kawlram ah ralkap uknak a duhlomi mipi nih lam ah chuak in duhlonak an langhter i February thawk in atu tiang minung 510 leng nunnak a liam cang (ralkap nih an thah hna) tiah Assistance Association for Political Prisoners (AAPP) chirhchan in AFP nih a ttial.
March ni 30. ah khan UN Security Council ah Myanmar kong ceih tthan ding in president a ttuan liomi United Kingdom nih tonnak a kawh i March ni 31. hi an ceih tthan lai. April ni 1. ah CRPH nih cozah tling an sinak kong an thanh lai tiah bia a chuak pah i hi kong ah bawmtu a si kho i hi UN SC tonnak hi cu hlannak in a biapideuh.
USA nih Myanmar i a um rihmi a rammi vialte cu an chungkhar ning in Myanmar chuahtak ding in a chim hi ca kan ttial laite ah a chimh tthan hna tiah Reuters nih a ttial. USA lawng si loin ramkip cozah nih Myanmar ah a um rihmi an rammi cu Myanmar ah rianttuan khawh zong a si ti lo caah chuahtak ding in ruahnak an cheuh cio hna.crd;teirialcatialtu
Leave a Reply