Um kal nak le himnak a harsat caah Mindat bawmhnak kan pe kho rih lo tiah UN Kawlram zung nih a langhter

Mindat Mipi vengtu ralkap le ralhrangbu kar i kah nak fak ngaiin a chuak ruangah harsatnak a tong lio mi Mipi hna bawmhnak pek ding cu himnak le umkal nak lei harsatnak ruangah rianrang in kan pek khawh lo tiah Kawlram UN zung nih a thanh.

Mindat i kah nak ah ralhrangbu nih minung le meithal thazaang tampi a hman pinah Mipi cu i khamhnak caah an hman hna. Khua ah vanlawng in bomb an thlah, khuachung mipi an kah hna. Mei, Ti, Phone line zong a chah piak dih hna. Nu pawl cungah ralhrangbu nih sualnak zong an tuah tiah theih a si. A tu ah Mipi hna cu eidin, din ti, umnak hmun, ngandamnak lei zohkhenhnak an herh ngai cang, Lungthin thazaang pek zong an herh tiah theih a si.

Ralzam hna le khuachung ah a um mi Mipi hna an himnak ding le bawmhnak pek khawhnak caah UN le NGO hna cu um kalnak nawl pek ding le tanpi nak tuankhawh nak dingah ralhrangbu sinah nawl a si.

“Mipi hna himnak lei ah thial/kal ter ding, Mipi himnak pek ding, Hliamhma a pu mi hna zohkhenh khawhnak hmun ah chiah dingah kan nawl hna” tiah May 21 ah khan Kawlram UN zung nih cathanhnak a tuah.

The Chin Post