UN zung ah Myanmar cozah aiawhtu Kyaw Moe Tun a biachim ka zoh i ka mitthli he kai ciah ve ko, thaizing lei lam zawh ding zong thazaang thar aka pek. UN aiawhtu pakhat nih vawleipi theih in UN zung bak ah ralkap uknak lakmi a dik lo, aho poah nih ralkap uknak kan doh i kan thah a herh, 2020 election ah teinak a hmumi NLD sin power pek than a hau, UN nih zeiti lam hmanh in ralkap cozah theihpi ding a si lo tiah a chim.
A donghnak ah Kawlholh in a chim chih, ‘rammi dihlak nih hmun kip ah lungrual ngai in ralkap uknak nan doh caah kai lawm, tutan dothlennak kan tei hrim lai(အရေးတော်ပုံ— အောင်ရမည်)’ tiah a kut in CDM tanpinak langhter buin a bia a donghter. Vawlei cung zung sang bik a thumi Myanmar cozah aiawhtu hmanh nih Min Aung Hlaing kaltak in mizapi dothlennak ah ai tel ve cang. Lung a hmui taktak. MAH cozah cu a tlu colh ko cang lai.crd; Salai Lung Thli Tum
Thawngpang dang relchap; NEYPYITAW I MOE AH VUANTHOK SIMI SALAI CAN DUNG NIH KAWLRAM COZAH TUAN HAWILEI SINAH A TANGLEI BANTUK HIN FACEBOOK IN CA A KUAT HNA-Cozah zung ah rianṭuan ai thawh ko rih mi ka rianṭuan hawi hna, Mipi nih nilin khuaal lakah sandah an piah i an thlanhripi luangin an tem tuar lio ah na rianṭuan lo kha a har tuk maw?
A ngaingai te tiah cun ralkap cozah chia a kai hnu in a cozah zungah rian pi hlapa pakhat hmanh ṭuan awk a um lo ti cu nan theih kan theih cio mi a si. Cuti siah zungah zei rian dah nan ṭuan kun in ti hna usihlaw CDM tuah mi cazin tuah le mipi harnak a petu ding rian nan ṭuammi dah ti lo zei rian hmanh ṭuan awk le tuah awk a um lo ti cu nan theih kan theihmi kha si ko.
Cucaah tu lio ah hin mipi caah (khi tiang na ruah khawh lo hmanh ah na chungkhar le nangmah pumpak ca hrimhrim ah) na tuah khawh kan tuah khawh mi cu #CDM tuah hi a si. Kaphnih thil lawng a um. Kapkhat cu ralkap lei ṭan a si i kapkhat cu mipi lei ṭan a si. Mipi lei na ṭan ahcun CDM tuah, ralkap cozah chia na dirkamh ahcun zung kai. Kha hlei thil dang thim ding a um lo. VK,Vuanthok,MoE,Naypyitaw;Foto: Private/ Facebook
Leave a Reply