Un Security Council(UNSC) Ah Norway Ai Tel Lio Asi; Usa Nakin Un Tuhi Ruahchannak A Um Deuh

𝗨𝗡 𝗦𝗲𝗰𝘂𝗿𝗶𝘁𝘆 𝗖𝗼𝘂𝗻𝗰𝗶𝗹 (𝗨𝗡𝗦𝗖) 𝗮𝗵 𝗡𝗼𝗿𝘄𝗮𝘆 𝗮𝗶 𝘁𝗲𝗹 𝗹𝗶𝗼 𝗮 𝘀𝗶. Ram 15 chung ah ram nga hi a zungzal chungtel VETO Power a ngei timi hna an si, le a dang pahra hi kum hnih dan in chungtel sinak ramkip nih an sok khawh. A zungzal chungtel ram nga hna cu: China, France, Russia, United Kingdom le United States an si. 2021-2022 chung UNSC caantawi chungtel ram hna cu: Estonia, India, Ireland, Kenya, Mexico, Niger, Norway, Saint Vincent and the Grenadines, Tunisia le Vietnam an si. Mah hi ka vun langhternak a ruang cu kan umnak ram cozah sining van theih tikah Myanmar i ralkap uknak kong chimh hna le Pressure* pek kan duh hna tikah bawmtu a si kho tiah ka ruah caah a si.

𝗡𝗮𝗻 𝘁𝗵𝗲𝗶𝗵 𝗰𝗶𝗮 𝗱𝗶𝗵 𝗮 𝘀𝗶 𝗸𝗼 𝗹𝗮𝗶, 𝗻𝗮𝗶𝗻;Ram pakhat nih innka a onh lomi a dang ram pakhat hi cu ram ah ralkap hriamnam he luh khawh a si lo. A ruang ṭha taktak a um a herh a luh hnawh hramhram ding a si ahcun. North Korea zong an kap lo, Myanmar renglo a si nain, miphun cihmihnak asiloah civil war a chuah lo cun UN zong luh khawh a si lo.

Nan theih cia, UN le ram pakhat khat nih uktu ṭhalo pawl, ralkap cozah hi chawleh phihnak, ramdang chuak kho lo ding in tuah, zei bawmhnak hmanh pek lo tiang lawng an tuah khawhmi a si. Kan ram ah hriamtlai in doh a thlengmi hna nih meithal kuan zun khat zong an puah ngam lo tik le ralhrang-Ralkap he an i chawnhbiak (Negotiation) peng tikah kan ram hi Civil War a si lo. Cucu International law a zohmi UN le kan ram i mit thitmi a ngei lomi USA, EU tepawl nih ralkap hi an luh hnawh lai lo.

𝗨𝗦𝗔 𝗻𝗮𝗸𝗶𝗻 𝗨𝗡 𝘁𝘂𝗵𝗶 𝗿𝘂𝗮𝗵𝗰𝗵𝗮𝗻𝗻𝗮𝗸 𝗮 𝘂𝗺𝗱𝗲𝘂𝗵. Kawlram ah hriamtlai phu miphun hna nih atu ralkap i NCA a hrawhmi an cohlan belte ahcun, cun CDM kan ngol lo i ralkap cozah nih faktuk in Nuhrin covo a buar ahcun, UN nih Peacekeeping Force timi ralram asiloah ram pakhat buainak a daih khawh nakding a kilvengtu UN ralkap a chiah khawh hna.

Mah UN ralkap cu raltuk an ngah lo, hriam tlai lomi mipi a runvengtu dingdeuh an si. Cu UN ralkap luh khawh ding tiang hmanh kan ram hi International Law in lam a awng rih lo. Asinain phung le lam cu minung kut ah a um. UNSC ah chungtel a simi Norway cozah sinah heh chimrel a herh, rammi nih an theih khawh nakding ah local newapaper, rampi huap tiang phan kho ding in Kawlam kong caṭial le langhter ding a si.

UN ah an chimdeuh hrimhrim lai, hmual a ngei hrimhrim lai. Cun cu bantuk cawlcanghnak cu Facebook le a dang social media na hman ko ahcun rak SHARE ve. Mah cu a hiapi tuk. Na umnak ram Democracy ram a si ahcun rak tuah ve hrim. UNSC ah biatak tein an nor khawh nakding ah chimrel a herh. A donghnak ah ramchung ummi kha nan biapibik ko, nan thi daih i nan lungdongh a si ahcun hi raldonak hi kan sung lai. Nanmah ah kan i hngat ko.

Khrifabu, fellowship pawl hmun khat ah biatak tein thlacam kan herh tiah.Ka caṭial a sau tawn nain phungchim, biaherh chim le mi hmai biachim ah ka dih manh an theitawn lo. Na lungsau bak. Bye. crd; Si Bawmang Lian