US nih cun AstraZeneca vaccine million 60 cu timhlamh dih asi hnu ah ramdang sinah pek asi lai tiah White House nih a chim.
Mah vaccine hna hi hmaithla ah cun ramdang ah kuat khawh asi lai. Atu hi federal safety review an tuah lio asi. US nih hin Vaccine tam ngai a ngeih cang ko natein AstraZeneca hi mipi hna sinah pek dingin a cohlang rih lo.
Kan hnu thla ah khan President Joe Biden nih AstraZeneca Vaccine dose million 4 veve cu Mexico le Canada sinah ka pek lai tiah a rak chim cang.
Nikhat ni ah khan White House nih AstraZeneca Vaccine dose 10 million cu Food and Drug Administration (FDA) hna nih a him an ti hnu ah pek chuah a ngah lai tiah a rak chim cang.
White House thawng thanhtu Jen Psaki nih cun Vaccine hna cu ramdang ah kuat asi hlan ah FDA Official hna nih zohfelnak an tuah dih lai tiah a chim.
Leave a Reply