UP Board examah a ke zungṭang hmanga ziakin, 70% lai a hmu.

Lucknow:  Creative Convent College a zirlai mipa naupang, Tushar Vishwakarma chuan Class 12 exam an neih ah a ke a ziakin, 70% lai a hmu.

Tushar chuan ” Ka pian tîrh ata, ka kut hian hna a thawk thei lova mahse ka kim lohna/ tlâkchhamnaah ka in ngai ngai lo. Ka u te 2 in School an kal ṭan hnu chuan keipaw’n School kal chu ka chak ve ta em em a. Ka ngen nasat em avang chuan kâpa, Rajesh Vishwakarma in School ka kal ve theihna tur chu min zawnsak a. School tamtakin min hnawl hnuah chuan vân neih thlâk takin ka kal ve theihna tur School chu kan hmu ve thei ta hram a, admission chu kan ti fel ve thei ta a ni.Ka unaute’n lehkha an zir apiangin ka zir ve ṭhin. An tih dan apiang ka entawn thin a. Mahse kuta pencil ka hum ve theihloh takah chuan ka ke chu lehkha ziah nan ka hmang ṭan ta a. Ni 1 ah darkar 6 ka zir ṭhin. Hun te a lo liam hnu chuan ka ke chu kut ang maiin ka hmang thiam ta a ni” tiin amah kawmtute chu a hrilh.

Test an neihin a Answer Sheet-te chu felfai leh nalh taka a lan theih nân, pên tui  dum (black) leh a pawl (blue) a hman ṭhîn thu a sawi a. Tushar hian engineer nih a tum a, a pa in a thlawp zia pawh a sawi bawk.

A zirtirtute’n an chhawmdâwl ṭhin na kawngah te chuan a lawm zia te sawiin, ” Test kan neihin chhuata ṭhuchunga ziah te min phalsak ṭhin. Tuna ka mark hmuhah hian ka lawm tawk hle. Class 10 ah kha chuan 67% ka hmu a, tûnah class 12 ah hi chuan 70% lai ka hmu thung a, ka lawm takzet a ni ”  a ti bawk.

Source : Times Of India
Updated on : 2nd August,2021