US nih China duhlotuk mi thil a tuah than, Xinjiang hmun in ser mi thil paoh cu US ram ah luh ter lo dingin Senate ah hnatlaknak tuah asi

US Senate ah China ram Xinjiang hmun i thil ser mi paoh cu US ram ah luh ter lo dingin bill an chuahpi mi cu pass asi. Mah bantuk hnatlaknak an tuah nak aruang cu China i Uighur le Muslim group dang hna thleidan le doh an si ruangah US nih lehrulhnak bantuk in atuah mi asi.

Senate i Bill an pass mi, Uyghur Forced Labor Prevention Act nih cun Xinjiang hmun i thil an ser mi cu tihluihnak in riantuan termi hna ser mi asi ti langhter in, mah ruangah 1930 Tariff Act hmangin Xinjiang hmun i thil ser mi hna cu luh ter lo dingin kham asi.

Bill hi Senate ah pass asi hnu ah House of Representative ah pass than ahau lai, cun President Joe Biden sinah kuat asi lai i, President nih “Law” ah canter in minthutnak atuah lai.