Joe Biden president a tuan hnu in kan laimi cheu khat zong auh kan ton hrimhrim lai tiah zumhnak kan ngeih cio. Cu tik ah US tlawn tik ah tuah ding zulh ding tete hna theih a herh , curuang ah siaherh nai in kan rak tial ve. US Tlawng Dingmi Nih Covid-19 Test Tuah Ding.
Tuchun ah White House Press Secretary Jen Psaki nih White House ah Press Conference a tuah I, thaizing thawk in US ah a rak lut dingmi paoh nih Covid-19 negative test tuahmi result nan I ken dih lai tiah a chim. US kalnak vanlawng chung luh hlan nithum a duh ah negative test nak tuahmi result a si lai ti a si.US ah covid-19 zawtnak a zual chin caah atu bantuk in khen khamnak le visa renghnak an tuahmi a si.
UK, Europe le Brazil ram ah khual tlawn le luhchuah zong kham rih a si lai. South Africa zong a thar in President Biden nih khualtlawn luchuh kham dingah a timhmi chungah a tel. South Africa ah hin Coronavirus in a sem chinmi, Coronavirus zawtnak phundang an hmuh chap caah atu bantuk visa le luhchuahnak rengh an timhnak cu a si.
Brazil, Ireland, UK, European ram cheukhat le South Africa in US Citizen a si lomi poah luh khawh a si rih lai lo.Cucaah Kawlram in US a luh dingmi paoh nih vanlawng nan I cit hlan nithum lawng a duhmi Covid-19 negative test result nan I khen hrimhrim lai. Nan I ken lo ahcun vanlawng ah luhter nan si lai lo.crd;Salai Lai Ram Thang
Leave a Reply