Caankarlak Myanmar cozah National Unity Government (NUG) nih “People Defense Force” timi ralkap bu a dirh cang.
“SAC nih mipi cung ah a buarmi tuksum sualnak vialte dihdonghter ding in le kum 70 chung Myanmar ram nih a tonmi ramchung ral le rampi runvennak lei harnak pawl remh khawh a si nakhnga Federal Army dirh a herh. Atu People Defense Force hi Federal Army dirh nakding ah hmaikaltu bantuk in kan ser chungmi a si,” tiah NUG nih cathanh ah a langhter.
The Chin Journal
Relchap: G7 Meetingah Britain Nih SAC Dantat In Mipi Bawmhnak Pek Dingah A Chuahpi Lai
May 4, tuni ah Britain ram London khuapi ah G7 ram hna meeting cu thok a si cang. Hi meeting hi ni hnih chung tuah a si lai. Thaizing an peh rih lai.
Tutan meeting ah inntek a simi Britain nih hramhram in nawlngeihnak a latu ralkap (State Administrative Council) he aa pehtlaimi riantuannak vialte dantatnak le phihkharnak tuah cio dingah a chuahpi lai tiah theih a si.
SAC sinah hriamnam zuarhnak phih ding le Myanmar mipi hna bawmhnak pek dingin Britain ramleng vuanci Dominic Raab nih biatung a chuahpi lai.
Tutan G7 Meeting ah Myanmar buainak lawng si poin Syria, Taluk, Russia, Afghanistan kong zong an ceih lai.
G7 ram hna cu US, Canada, Britain, France, Germany, Italy le Japan hna an si. Tutan G7 Meetingah Australia, India, South Korea, Brunei le South Africa ram hna zong an i tel tiah theih a si.
The Chin Post
Leave a Reply