Video: CDF Kan Thawng Deuhdeuh, Ralhrang An Der Deuhdeuh (By CDF Mindat Spokesperson Salai Yaw Mang)

(Kanmah Lei Hriamnam A Tha Deuhdeuh I Thazaang Kan Tam Deuhdeuh Lio Ah SAC Ralhrang Phu Lei Cu An Thimi An Tam I An Tla Deuhdeuh. By CDF – Mindat Spokesperson Salai Yaw Mang). Salai Yaw Mang credit pek in International News for Burma nih “kanmah lei in kan thawng deuh deuh i anmah ralhrang lei a thimi an hong tam deuhdeuh ve nak kong,

Salai Yaw Mang nih a chimmi a tarlangh. Cucu a tanglei bantukin lunghmui ngai in an chim. Spring Revolutionary Forces lei in minung thazaang, hriamnam thazaang kan tha deuhdeuh pinah area pakhat le pakhat ibawmhchanh in raldohnak kan tuah khawh deuhdeuh lai caah SAC ralhrang phu lei a thimi an tam deuhdeuhmi hmuh khawh a si tiah,

Chin ramkulh, Mindat peng mipi ralkap CDF – Mindat in chimhnak nawlngeitu Salai Yaw Mang nih a chim. Dohthlennak kan tuahnak ah ralram hmai kal in aa tel khomi Chin ramkulh, Mindat khuapi dirhmun kong he pehtlaih in BNN (Burma News Network) media in U Htet Aung Kyaw nih biahalnak (interview) a tuah i Salai Yaw Mang nih tu bantukin a chim hi a si.

Atanglei video kan tar chihmi ahhin, Mindat peng chung le Chin ramkulh chung kahdohnak thawngpang dirhmun, Chin ramkulh le Magwe ramthen, Sagaing ramthen i CDF, PDF ralkap hna zeitindah an i fonh i an ttantti ti bantuk, Kum khat chung dohthlennak ral an dohnak ah kap hnih in a thimi zat, le ralzam pawl UNHCR nih bawmhnak an pek cang maw ti bantuk biaruahnak le chimhnak an ngeih hi asi. Atangbik ah video a um.

Thawgpang dang: Salingyi GZ LPDF Phu Nih Ralhrang 7 An Thah: Sagaing ramthen, Salingyi myone, Nyaungpingyi le Salingyi kar motor lam ah SAC ralhrang phu motor pakhat cu bomb an puah hnawh i ralhrang 7 an thi tiah Salingyi GZ LPDF phu nih thawngthanhnak an tuah. Nizan January 25 ni, chun suimilam 11:30 am hrawng ah,

Nyaungpingyi le Salingyi kar motor lam ah chak lei in tlang lei ah arak rami SAC ralhrang phu motor pakhat cu GZ LPDF phu nih Padethar bomb 20 in an puah hnawh hna. Bomb an puah hnawh hnu ah SAC ralhrang phu he kaphnih kar kahdohnak a chuak nain GZ LPDF ralkap hu lei in hliamtuar um hraw loin hnu an tolh kho tiah theih a si.

Ralhrang motor bomb an puah hnawhnak ah an hmanmi thilri man hi Kyat sing 20 hrawng man a si i, bawmhnak nan kan pek a her tiah a theih a si. Delta News Agency nih a tarlanghmi a si. Note: A tanglei hi BNN media nih CDF Mindat Spokesperson Salai Yaw Mang interview an tuahnak video a si. VIDEO ZOHNAK hi hmeh law, video zoh khawh a si. Ref: INB, DNA