Tu kar cu CNDF nih ralhrang tamtak an thah hna i tu naite ah an raldohnak video an van tarlangh cang. Atanglei hi kan Chin ralkap CNDF phu nih an raldohnak kong cathanh an chuahmi tete zoh chih in an thawngpang langhtermi a si i, a tangbik ah an raldohnak video, tu naite an tarlangmi zohchih ding in an video hyperlink tar chih a si. Rak bih ve te uh.
Falam peng, Lati khua le Kulzam khua tlangtluang ah nizan January 18 ni, zinglei suimilam 8:30 hrawng ah SAC ralhrang phu hna cu CNDF phu he kahdohnak fah a chuak. Cu kahdohnak ah SAC ralhrang phu lei in 4 an thi i, CNDF ralkap phu lei in minung 1 nih hliamhma (thinphang ding a si lo) an tuar.
Cu pinah zanlei suimilam 5:00 hrawng ah CNDF phu nih bomb an puah hnawh than i SAC ralhrang 4 an thi chap hna. Nihin January 19 ni zinglei suimilam 9 hrawng ah CNDF phu nih tarmi bomb cu SAC ralhrang phu lei nih an pah i a thimi an um kho men pinah hliamtuarmi an tam caah hnu an tolh than hna.
Khuami hna zong nih Falam – Kalay kar motor lam thluan ah um kal rih lo ding in theihternak kan in tuah hna tiah thawngthanhnak an tuah hi si. CNDF ph hi tu lio an raldohnak ah ralhrang an thahmi an tam ngai cang hna. January 16 ni zong ah Falam peng Party khua pawng ah SAC ralhrang phu he kahdohnak fah a chuak i ralhrang phu lei in Falam hrambunh Kha-la-ya 268 nih,
Hriamnam ngan voi 4 tiang an kah bawm hna. Cu kahdohnak ah SAC ralhrang phu lei in 17 an thi i, hliamhma tuar zong an rak tam ngai hna. Cu kahdohnak ah CNDF lei in pasaltha 1 nih hliamhma hme a tuar ve. Cu pinah January 17 ni thiamthiam ah Lati khua pawng ah SAC ralhrang phu le CNDF phu kar kahdohnak a chuak than i SAC ralhrang phu lei in 8 an thi I,
Tampi nih hliamhma an tuar rih hna. Cu kahdohnak ahcun CNDF lei in aa khon denmi an um hraw lo tiah CNDF lei nih thawngthanhnak an tuah hi a si. Atu lio cu CNDF pawl nih ralhrang an thahmi a tam ko. January 16 ah ralhrang 17, ni 17 ni ah ralhrang 8, nizan 18 ni ah 8 tiah nithum chung tampipi an thah khawh hna hi a si. . VIDEO ZOHNAK. Source; Chin National Organiztion
Leave a Reply