Video: Nihin Chin Ralkap Phufonh Cunglei In A Van Kah Tu Ralhrang Vanlawng Video

Chin ramkulh, Tedim peng, Taingen le Hiangzing khua kar ah a ummi Chin ralkap phu fonh hna cu SAC ralhrang phu nih vanlawng hmang in cung lei in an kah ve hoi cang hna. Tuzing 8: 00 AM hrawng ahkhan ralhrang nih a helicopter ngeihchun pahnih hmangin Chin ralkap phu pawl umnak Taingen khua le Hiangzing khua kar an kah thluahmah ti si.

Helicopter a hman hlan ahhin ramri Kalay University ummi ralhrang hna nih suimilam 7.00 AM ahkhan 120 MM Mortar in voi 17 hrawng Laitlang leiah an kah thluahmah ta ti asi. Tutiang Chin ralkap hliamtuar le thimi kong theih a si rih lo, Pathian nin Chin ralkap humhim hram hna seh. (Helicopter hi ralteinak asi lo, thinlung put hi a biapi bik)” tiah Salai Chelsea Bawi zong nih a tarlangh ve.

Thawngpangdang: Hlaingthayar ah ralkap thil thitnak sehzung le ralkap motor pakhat bomb an puah hnawh: Yangon, Hlaingthayar peng, No 5 Bus stand pawng i ralkap thil thitnak sehzung cu tuzing suimilam 5 le cheu ah From Zero to Hero bu nih kut tuah mi bomb in an puah hnawh hna. Cu an puah hnawhmi bomb puah thawng an theih caah,

Ralhrang Tatzing 9 lei in a rak chuahmi ralkap mawtaw pakhat zong BOC mi-point pawng ah lamhlat in puah mi bomb in an puah hnawh than hna. Mipi ralventu PDF hna zong a himnak hmun ah hnu an tolh kho tiah cu dohnak a tuahtu From Zero To Hero phu nih thawngthanhnak an tuah hi a si. Nizan suimilam 9pm hrawng ah Dagon Seikkan myone ah,

Puakkek thawng thangpi voi 2 kan theih tiah khuami hna sin in theih a si. “Puak thawng i a thang ngai. Motor ke a puakmi cu a si lai lo. Bomb puak thawng a si lai ka zumh” tiah khuami pakhat nih a chim. Cu bantuk thiam in nihin January 22, zinglei tuante suimilam 3 hrawng ah meithal puak thawng kan theih tiah North Okkalapa ah khuasami pakhat sin in theih a si.

“Tu zing suimilam 3:5am in 3:8 am hrawng ah North Okkalapa kan umnak in meithal puak thawng voi 10 leng hrawng kan theih” tiah khuami nih a chim. North Okkalapa ah khuasami a dang pakhat nih “Tu zingah meithal puah thawng voi 20 hrawng kan theih. North Okkalapa police station ah a si” tiah a chim ve. Atanglei ah nihin Chin ralkap phu fonh kahtu Helicopter video zonhnak a si. VIDEO ZOHNAK. Source: KTM