VIDEO: Nihin Wetlet Ah Ralhrang Nih Khuami 6 Mei An Khangh I An Thahnak Video

February 4, 2022: Sagaing ramthen, Wetlet myone Thit Sin khua ah khuami minung 6 hna cu SAC ralhrang phu nih mei an khangh i an thah tiah khuami hna sinin theih a si. Cu meikhangh in thahmi khuami 6 hna ruak cu nihin February 4 zing ah khuami hna nih an hmuh hi a si i, an nung buin an khanghmi a si le si lo theih a si rih lo tiah,

Lu Nge Khit thawngzamhnak nih a tarlangh hi a si. Wetlet myone, Thit Sin khua lei ah SAC ralhrang phu pawl an lut i khua chung an duhduh in an umnak hi ni 10 hrawng a si cang i, SAC ralhrang phu hna zong khuami nih an si khawh chung in an doh ve ti a si. Kan hnu ah SAC ralhrang phu pawl an khuallam a um lio ah Local PDF phu nih bomb an puah hnawh i,

SAC ralhrang phu lei in minung 10 hrawng an thi lai zumh a si tiah khuami pakhat chimhnak in theih a si. SAC ralhrang phu nih Kawlram pumpi mipi ralkap phu pawl an dohnak ah sualnak ngeilo mipi inn le lo meikhangh lawng siloin mipi tiang meikhangh in thah tiang sualnak thalo an tuah peng hi a si. VIDEO ZOHNAK hi hmeh law, video zoh chih khawh a si.

NUG nih thawngthanhnak an tuah ning cu, SAC ralhrang phu nih nawlngeihnak hramhram in an lak hnu in nihin January 4, 2022 tiang ah khuami inn 1200 hrawng mei an khangh cang ti si. Cu pinah khuapi khuate mei an khangh hi a voi in voi 249 a si i, nihin tiang SAC ralhrang phu nih khuami thah, khuami inn le lo meikhangh tibantuk nihin an tuah peng rih ko tiah,

NUG nih thawngthanhnak an tuahmi ah an langhter chih fawn. Cu bantuk thiamthiam in SAC ralhrang phu nih hramhram in nawlngeihnak an lak hnu kum khat chung ah rammipi 1500 leng an thi cang i cu chungah kum tlinlo minung 16 telh in khuami 184 hna cu a tomtom in an thah hna tiah an langhter. VIDEO ZOHNAK hi hmeh law, video zoh chih khawh a si. Ref: LNK

Be the first to comment

Leave a Reply

Your email address will not be published.


*